ମାଡ଼ି ଆସୁଛି ବନ୍ୟା ଜଳ
ପାରାଦୀପ ନେହେରୁ ବଙ୍ଗଳା ସ୍ଥିତ ମହାନଦୀ ଓ ବଙ୍ଗୋପ ସାଗର ମିଳନ ସ୍ଥଳ ମୁହାଁଣ ମୁହଁ ରେ ବନ୍ୟା ବିଭୀଷିକା ର କରାଳ ରୂପ
Onm
ମାଡ଼ି ଆସୁଛି ବନ୍ୟା ଜଳ, ଖାଇ ଖାଇ ଯାଉଛି ମୁହାଁଣ କୂଳ,
ଭୁଷୁଡି ପଡିବ କି ଭିୟୁ ଟାୱାର, ଭସାଇ ନେବ କି ମନ୍ନଦା ଉଦ୍ୟାନ,
ଆଜି ଏହି ପରି କେତେକ କରାଳ ଦୃଶ୍ୟରେ ଥରି ଉଠିଛି ପାରାଦୀପ ନେହେରୁ ବଙ୍ଗଳା ସ୍ଥିତ ମହାନଦୀ ଓ ବଙ୍ଗୋପ ସାଗର ମିଳନ ସ୍ଥଳ ମୁହାଁଣ ମୁହଁ, ଯଦିଓ ଏହା ହୀରାକୁଦ ଜଳଭଣ୍ଡାର ରୁ ଆସିଥିବା ବନ୍ୟା ଜଳ ନୁହେଁ କିନ୍ତୁ ଏହା ରାଜ୍ୟରେ ଲାଗି ରହିଥିବା ଲଗାଣ ବର୍ଷା ର ବର୍ଷା ଜଳ , ଯାହାକି ଚାରିଆଡ଼ୁ ଆସି ମହାନଦୀ ରେ ଏକ ଅଷୋଷିତ ବନ୍ୟା ପରିସ୍ଥିତି ସୃଷ୍ଟି କରିଛି। ରାଜ୍ୟ ସରକାର ଏନେଇ ସ୍ବତନ୍ତ୍ର ସମୀକ୍ଷା କରି ଜଗତସିଂହପୁର ଜିଲ୍ଲା ପ୍ରଶାସନ କୁ ଆଲର୍ଟ କରାଇଛନ୍ତି ଏବଂ ଜିଲ୍ଲା ପ୍ରଶାସନ ମଧ୍ୟ ଏନେଇ ବିହୀତ ପଦକ୍ଷେପ ସ୍ବରୂପ ସତର୍କ ସୂଚନା ଜାରି କରିଛି। ଖାଲି ସେତିକି ନୁହେଁ ପାରାଦୀପ ଅତିରିକ୍ତ ଜିଲ୍ଲାପାଳ ଲଗ୍ନଜିତ୍ ରାଉତ୍ ଏବଂ ପାରାଦୀପ ପୌରାଧ୍ୟକ୍ଷ ବସନ୍ତ ବିଶ୍ବାଳ ବନ୍ୟା ବିତ୍ପାତ ଘଟିଥିବା ମୁହାଁଣ ମୁହଁ ଅଞ୍ଚଳ ପରିଦର୍ଶନ କରି ବାସ୍ତବତା ପରଖିଛନ୍ତି।
ତେବେ ଏହି ପ୍ରକାର ପରିସ୍ଥିତି ପାଇଁ ସମସ୍ତେ ପାରାଦୀପ ବନ୍ଦର ପ୍ରଶାସନ କୁ ଦାୟୀ କରିଛନ୍ତି। ପାରାଦୀପ ବନ୍ଦର ଆଜି ଦେଶର ସର୍ବ ଶ୍ରେଷ୍ଠ ବନ୍ଦର ଭାବେ ପରିଗଣିତ ହେଉଛି। କିନ୍ତୁ ଏହାର ଆଖପାଖ ଅଞ୍ଚଳକୁ ପରିଲକ୍ଷିତ କଲେ ଏହା କେଉଁ ନିମ୍ନ ମାନର ବନ୍ଦର ଭାବରେ ଶୋଭା ପାଉଛି। ୧୯୬୨ ମସିହାରେ ପାରାଦୀପ ବନ୍ଦର ପ୍ରତିଷ୍ଠା ଅବସରରେ ତତ୍କାଳୀନ ପ୍ରଧାନମନ୍ତ୍ରୀ ପଣ୍ଡିତ ଜବାହରଲାଲ ନେହେରୁ ପାରାଦୀପ ଆସି ଏହି ସ୍ଥାନରେ ହିଁ ରାତ୍ରି ଯାପନ କରିଥିଲେ ଯେଉଁଥି ପାଇଁ ଏଠାରେ ଏକ ଜବାହର ଅତିଥି ଭବନ ସ୍ମୃତି ସ୍ୱରୂପ ଶୋଭା ପାଉଛି।
ତେବେ ୧୯୯୯ ମସିହା ପ୍ରଳୟଙ୍କରୀ ମହାବାତ୍ୟାରେ ଧ୍ବସ୍ତ ବିଧ୍ବସ୍ତ ପାରାଦୀପ ବନ୍ଦର କୁ ତତ୍କାଳୀନ ପାରାଦୀପ ବନ୍ଦର ଅଧ୍ୟକ୍ଷ ସନ୍ତୋଷ କୁମାର ମହାପାତ୍ର ଙ୍କ ଦୂର ଦୃଷ୍ଟି ରେ ଏହି ଅଞ୍ଚଳ ଏକ ନୁଆ ଜୀବନ ପାଇବା ସହ ପୁନଃ ଉଦ୍ଧାର ହୋଇ ଥିଲା। ଯେଉଁଥିରେ କି ଏହା ଏକ ପର୍ଯ୍ୟଟନ ସ୍ଥଳୀ ର ମାନ୍ୟତା ପାଇବା ସହ ଲକ୍ଷ ଲକ୍ଷ ପର୍ଯ୍ୟଟକ ମାନଙ୍କ ଆଗମନ ନେଇ ମନ୍ନଦା ଉଦ୍ୟାନ ଓ ଏକ ଉଚ୍ଚ ସ୍ଥାନରୁ ସମୁଦ୍ର ଓ ମହାନଦୀ ର ମିଳନ ସ୍ଥଳ ଦେଖିବା ପାଇଁ ଏକ ଭିୟୁ ଟାୱାର ନିର୍ମାଣ କରାଯାଇଥିଲା। ଖାଲି ସେତିକି ନୁହେଁ ଏହାକୁ ରକ୍ଷଣାବେକ୍ଷଣ କରିବା ପାଇଁ ଏକ ମହିଳା ସ୍ୱୟଂ ସହାୟିକା ଗୋଷ୍ଠୀ ଙ୍କୁ ମଧ୍ୟ ଦାୟିତ୍ଵ ଦିଆ ଯାଇଥିଲା।
ତେବେ ଧିରେ ଧିରେ ବନ୍ଦର ବିକାଶ ଦିଗରେ ଅଗ୍ରସର ହୋଇ ରେକର୍ଡ ଉପରେ ରେକର୍ଡ଼ ସୃଷ୍ଟି କରି ଚାଲୁଥିବା ବେଳେ ପାରିପାର୍ଶ୍ବିକ ସ୍ଥିତି ବିନାଶ ଆଡ଼େ ଗଲାଣି। ଏଥିପ୍ରତି କାହାର ଯେପରି ଦୃଷ୍ଟି ନାହିଁ କି ଆନ୍ତରିକତା ନଥିବା ପରି ମନେ ହେଉଛି । ପାରାଦୀପ ବନ୍ଦର ବାର୍ଷିକ କୋଟି କୋଟି ଟଙ୍କା ଲାଭ କରି ତାର ସାମାଜିକ ଦାୟିତ୍ଵ ବୋଧ ବା ସିଏସ୍ଆର୍ ଫଣ୍ଡ୍ ରୁ ଯଦି ଆଂଶିକ ଏହି ଅଞ୍ଚଳ ପାଇଁ ଖର୍ଚ୍ଚ କରନ୍ତା ତାହା ହେଲେ ପୁଣି ଅଞ୍ଚଳ ହସି ଉଠନ୍ତା। କାହିଁକି ନା ସମ୍ବଲପୁର ହୀରାକୁଦ ଡ୍ୟାମରୁ ବନ୍ୟା ଜଳ ପ୍ରବାହିତ ହେଲେ ବହୁ ସହର ଗାଁ ଗଣ୍ଡା ପାହାଡ଼ ପର୍ବତ ନଦୀ ନାଳ ଦେଇ ପୂର୍ବ ଉପକୂଳ ବଙ୍ଗୋପ ସାଗର ର ଏହି ସ୍ଥାନ ରେ ହିଁ ସମୁଦ୍ର ସହିତ ମିଶିଥାଏ ଯାହାକି ଏହା ଏକ ଐତିହାସିକ ସଙ୍ଗମ ସ୍ଥଳ ବା ମିଳନ ପୀଠ କହିଲେ ଅତ୍ୟୁକ୍ତି ହେବ ନାହିଁ। ଯଦିଓ ଏଠାରେ ଜିଲ୍ଲା ପ୍ରଶାସନ, ପୌର ପ୍ରଶାସନ ଓ ବନ୍ଦର ପ୍ରଶାସନ ଏହିପରି ୩ଟି ପ୍ରଶାସନ ରହିଛନ୍ତି କିନ୍ତୁ ଏହି ମିଳନ ସ୍ଥଳି ର ସମ୍ପୁର୍ଣ୍ଣ ଯତ୍ନ ଓ ଦାୟିତ୍ଵ ତଥା ତଦାରଖ ର ଦାୟିତ୍ଵ ସମ୍ପୁର୍ଣ୍ଣ ବନ୍ଦର ପ୍ରଶାସନ ର ।
ତେବେ ପୂର୍ବରୁ ଥିବା ବନ୍ଦର ଅଧିକାରୀ ମାନଙ୍କ ର ଓଡ଼ିଆ ତଥା ଓଡ଼ିଶା ପ୍ରିତୀ ସହିତ ଦୃଢ଼ ଇଚ୍ଛାଶକ୍ତି ଥିଲା ସେଥିପାଇଁ ହୁଏତ ଏ ଅଞ୍ଚଳର ଉନ୍ନତି ହେଉଥିଲା ହେଲେ ଆଜି ଅଣ ଓଡ଼ିଆ ଅଧିକାରୀ ମାନେ ଆସି ବନ୍ଦର କୁ ସିନା ବିକାଶ ଦିଗରେ ଅଗ୍ରସର କରାଇ ନେଉଛନ୍ତି କିନ୍ତୁ ଏହାର ପାରିପାର୍ଶ୍ବିକ ଅଞ୍ଚଳ କୁ ବିନାଶ ର ଦ୍ଵାର ଦେଶରେ ଛାଡି ଦେଉଛନ୍ତି ଯେଉଁ ଥିରେ ସ୍ଥାନୀୟ ଅଞ୍ଚଳରେ ଘୋର ଅସନ୍ତୋଷ ଦାନା ବାନ୍ଧୁ ଥିବା ବେଳେ ବନ୍ଦର ପ୍ରଶାସନ ଏହା ଉପରେ ତୁରନ୍ତ ବିହୀତ ପଦକ୍ଷେପ ଗ୍ରହଣ କରିବା ପାଇଁ ଦାବି ହେଉଛି
ପାରାଦୀପ ରୁ ଲାଲା ବିନୟ କୁମାର ରାୟ ଙ୍କ ରିପୋର୍ଟ ଓଏନ୍ଏମ୍ ନିୟୁଜ୍
