ଆସନ୍ତା କାଲି ବିଶ୍ଵ କପ୍ କ୍ରିକେଟ ଫାଇନାଲ, କାଉଣ୍ଟ୍ ଡାଉନ୍ ଷ୍ଟାର୍ଟ
ଆସନ୍ତା କାଲି ବିଶ୍ଵ କପ୍ କ୍ରିକେଟ ଫାଇନାଲ, କାଉଣ୍ଟ୍ ଡାଉନ୍ ଷ୍ଟାର୍ଟ
ONM_News
୨୦୦୩ରୁ ୨୦୨୩ ଭିତରେ ବଦଳିଛି କଣ? କେତେ ଶକ୍ତିଶାଳୀ ହେଇଛି ଟିମ୍ ଇଣ୍ଡିଆ? ଏଥର ଫାଇନାଲରେ ହାରିବ କଙ୍ଗାରୁ ଦଳ!
୨୦ ବର୍ଷ ପରେ ଭାରତ ଏବଂ ଅଷ୍ଟ୍ରେଲିଆ ପୁଣିଥରେ ବିଶ୍ୱକପ ଫାଇନାଲରେ ଭେଟିବାକୁ ଯାଉଛନ୍ତି । ବିଶ୍ୱକପର ଫାଇନାଲ ଆସନ୍ତାକାଲି ଅହମ୍ମଦାବାଦର ନରେନ୍ଦ୍ର ମୋଦୀ ଷ୍ଟାଡିୟମରେ ଖେଳାଯିବ । ଶେଷ ଥର ପାଇଁ ୨୦୦୩ରେ ଭାରତ ଏବଂ ଅଷ୍ଟ୍ରେଲିଆ ବିଶ୍ୱକପ୍ ଫାଇନାଲରେ ଭେଟାଭେଟି ହେଇଥିଲେ । ଯେଉଁଥିରେ ଅଷ୍ଟ୍ରେଲିଆ ଏକପାଖିଆ ଢଙ୍ଗରେ ମ୍ୟାଚ ଜିତିଥିଲା । ତେବେ ପ୍ରତ୍ୟେକ ଭାରତୀୟ ପ୍ରଶଂସକ ତଥାପି ସେହି ପରାଜୟକୁ ମନେ ପକାଇଲେ ଦୁଃଖିତ ହୁଅନ୍ତି । ଏଥର ଏହି ଘଟଣା ଘଟିବାର ସମ୍ଭାବନା କମ୍ ରହିଛି ବୋଲି କୁହାଯାଉଛି ।
ପୂର୍ବ ଅପେକ୍ଷା ଟିମ୍ ଇଣ୍ଡିଆ ଅଧିକ ଶକ୍ତିଶାଳୀ ଦେଖାଯାଉଛି । ଏହାର ସବୁଠାରୁ ବଡ କାରଣ ହେଉଛି ୨୦୦୩ ଏବଂ ୨୦୨୩ ର ଭାରତୀୟ ଦଳ ମଧ୍ୟରେ ଦୁଇଟି ବଡ଼ ପାର୍ଥକ୍ୟ । ବିଶ୍ୱକପ ୨୦୦୩ରେ ଭାରତୀୟ ଦଳ ସୈାରଭ ଗାଙ୍ଗୁଲିଙ୍କ ଅଧିନାୟକତ୍ୱରେ ଫାଇନାଲରେ ପ୍ରବେଶ କରିଥିଲା । ସଚିନ ତେନ୍ଦୁଲକର ଉତ୍କୃଷ୍ଟ ଫର୍ମରେ ଥିବାବେଳେ ଗାଙ୍ଗୁଲି ନିଜେ ବହୁ ରନ୍ କରିଥିଲେ । ଅଭିଜ୍ଞ ଫାଷ୍ଟ ବୋଲର ଜାହିର ଖାନ ଏବଂ ଆଶିଷ ନେହେରା, ଅଭିଜ୍ଞ ଶ୍ରୀନାଥ ଦଳରେ ଥିଲେ । ଏବେ କିନ୍ତୁ ସେହି ଟିମ୍ ଆଉ ନାହିଁ । ଏବେ କେବଳ ଯଦି ଅଛନ୍ତି ସେ ହେଉଛନ୍ତି ରାହୁଲ ଦ୍ରାବିଡ । ଯିଏ କି କୋଚ ଅଛନ୍ତି ।୨୦୦୩ ତୁଳନାରେ ୨୦୨୩ରେ ରହିଛି ବଡ ପାର୍ଥକ୍ୟ l
ଶକ୍ତିଶାଳୀ ହୋଇଛି ଭାରତର ମିଡିଲ ଅର୍ଡର lଟିମ୍ ଦମଦାର ଥିଲେ ମଧ୍ୟ ଭାରତ ଟାଇଟଲ ଜିତିବାରେ ବଞ୍ଚିତ ହୋଇଥିଲା lପ୍ରମୁଖ କାରଣ ଟିମ୍ ଇଣ୍ଡିଆର ମିଡିଲ୍ ଅର୍ଡର l୨୦୦୩ ଫାଇନାଲରେ ଯୁବରାଜ ସିଂ, ମହମ୍ମଦ କୈଫ, ରାହୁଲ ଦ୍ରାବିଡ ଏବଂ ଦୀନେଶ ମୋଙ୍ଗିଆ ମିଡିଲ ଅର୍ଡରରେ ଥିଲେ lଦ୍ରାବିଡ ସର୍ବାଧିକ ୩୧୬ ରନ୍ କରିଥିଲେ l
ଯୁବରାଜ କେବଳ ୨୪୦, କୈଫ, ୧୮୨ ଏବଂ ଦିନେଶ ମୋଙ୍ଗିଆ ମାତ୍ର ୧୨୦ ରନ୍ lଫାଇନାଲରେ କେବଳ ଦ୍ରାବିଡ ୪୭ ରନ୍ କରିଥିଲେ lଏବେ ଶ୍ରେୟସ୍ ଆୟର, କେ.ଏଲ୍ ରାହୁଲ ଏବଂ ସୂର୍ଯ୍ୟକୁମାର ଯାଦବ, ଅଲରାଉଣ୍ଡର ରବିନ୍ଦ୍ର ଜାଡେଜା ମିଡିଲ ଅର୍ଡରରେ ରହିଛନ୍ତି lଆୟର ଏବଂ ରାହୁଲ ଅଧିକାଂଶ ମ୍ୟାଚ୍ରେ ଭଲ ପ୍ରଦର୍ଶନ କରିଆସୁଛନ୍ତି lବିଭିନ୍ନ ପରିସ୍ଥିତିରେ ଭଲ ପ୍ରଦର୍ଶନ କରିଛନ୍ତି lଆୟର ଏପର୍ଯ୍ୟନ୍ତ ୫୨୬ ରନ୍, କେଏଲ ରାହୁଲ ମଧ୍ୟ ୩୮୬ ରନ୍ l
ସୂର୍ଯ୍ୟ କୁମାରଙ୍କୁ ବେଶୀ ସୁଯୋଗ ମିଳିନି lଜାଡେଜା ୧୧୧ ରନ୍ ସଂଗ୍ରହ କରିଛନ୍ତି lସେହୱାଗଙ୍କ ତୁଳନାରେ ଗିଲଙ୍କ ପ୍ରଦର୍ଶନ ବହୁତ ଭଲ lସେହୱାଗ ୧୧ଟି ଇନିଂସରେ ମାତ୍ର ୨୯୯ ରନ୍ ସଂଗ୍ରହ କରିଥିଲେ l
ଗିଲ ୮ଟି ଇନିଂସରେ ୩୫୦ ରନ୍ କରିଛନ୍ତି lଅଧିନାୟକ ରୋହିତଙ୍କ ସହ ଭଲ ଭାଗିଦାରୀ ରହିଛି l ରୋହିତ ଶର୍ମା ଗୋଟିଏ ଶତକ ସହ ୫୫୦ ରନ୍ lଘରୋଇ ପିଚରେ ସ୍ପିନରମାନଙ୍କର ସୁବିଧା ଅଛି l୨୦୦୩ରେ ହରଭଜନ ସିଂ ଏବଂ ଅନିଲ କୁମ୍ବଲେଙ୍କ ମଧ୍ୟରୁ ଦୁଇଜଣ ଶ୍ରେଷ୍ଠ ସ୍ପିନର ଥିଲେ l
ଦକ୍ଷିଣ ଆଫ୍ରିକାରେ ମ୍ୟାଚ ହେଉଥିବାରୁ ଅଧିକ ପ୍ରଭାବ ପକାଇ ପାରିନଥିଲେ, ଏବେର ଦଳରେ କୁଲଦୀପ ଯାଦବ ଏବଂ ରବିନ୍ଦ୍ର ଜାଡେଜା ରହିଛନ୍ତି l
ମଧ୍ୟମ ଓଭରରେ ରନ୍ ନିୟନ୍ତ୍ରଣ ସହିତ ଚଳିତ ଟୁର୍ଣ୍ଣାମେଂଟରେ ୩୨ ୱିକେଟ୍ ନେଇଛନ୍ତି lବିଶ୍ୱକପ୍ ଏବଂ ଚାପରେ ଖେଳିବାର ଅଭିଜ୍ଞତା lଗାଙ୍ଗୁଲିଙ୍କ ତୁଳନାରେ ରୋହିତଙ୍କ ଟିମରେ ରହିଛି ଭଲ ବୁଝମଣା l୨୦୦୩ ଟିମରେ କେବଳ ୬ ଜଣ ଖେଳାଳି ବିଶ୍ୱକପ୍ ଖେଳିବାର ଅଭିଜ୍ଞତା ଥିଲା lସଚିନ ତେନ୍ଦୁଲକର, ରାହୁଲ ଦ୍ରାବିଡ, ଗାଙ୍ଗୁଲି, କୁମ୍ବଲେ, ଅଜିତ ଅଗରକର ଏବଂ ଜଭଗଲ ଶ୍ରୀନଥ ପୂର୍ବରୁ ବିଶ୍ୱକପ ଖେଳିଥିଲେ l ଏବେର ଦଳରେ ଏହିପରି ୮ ଜଣ ଖେଳାଳି ଉପସ୍ଥିତ l
ରୋହିତଙ୍କ ବ୍ୟତୀତ କେଏଲ ରାହୁଲ, ଜାଡେଜା ଏବଂ କୁଲଦୀପ, ବିରାଟ କୋହଲି, ରବିଚନ୍ଦ୍ରନ ଅଶ୍ୱିନ, ମହମ୍ମଦ ଶାମି ଏବଂ ଜସପ୍ରୀତ ବୁମରା ବିଶ୍ୱକପ ଅଭିଜ୍ଞତା ପାଇଛନ୍ତି l ଆଇପିଏଲ୍ ଖେଳିବା ଦ୍ୱାରା ସମସ୍ତ ଖେଳାଳି ଚାପରେ ଖେଳିବାରେ ଅଭ୍ୟସ୍ତ l
