ଜବାବ କୁ ନେଇ ଜବାବ
ଶ୍ରମିକ ନେତା ତଥା ସମାଜସେବୀ ରାକେଶ କୁମାର ପଟ୍ଟନାୟକ ଙ୍କ ନାମରେ କୁତ୍ସାରଟନା ବିରୁଦ୍ଧରେ ସାମ୍ବାଦିକ ସମ୍ମିଳନୀ
Onm
4661
ଶ୍ରମିକ ନେତା ବାପି ସର୍ଖେଲ୍ ସାମ୍ବାଦିକ ସମ୍ମିଳନୀରେ ଶ୍ରମିକ ନେତା ତଥା ସମାଜସେବୀ ରାକେଶ କୁମାର ପଟ୍ଟନାୟକ ଙ୍କ ନାମରେ କୁତ୍ସାରଟନା କରିବା ସହ ତାଙ୍କୁ ବିବାଦ କୁ ଟାଣିବା ନେଇ ତଥା ରାକେଶ ପଟ୍ଟନାୟକ ଙ୍କ ସାନ ସମ୍ମାନ ହାନି ନେଇ ରାକେଶ ପଟ୍ଟନାୟକ ଙ୍କ ଆଜି ସାମ୍ବାଦିକ ସମ୍ମିଳନୀ । ଏହି ସାମ୍ବାଦିକ ସମ୍ମିଳନୀରେ ସେ କହିଥିବା କେତକ ପ୍ରମୁଖ ତଥ୍ୟ
ପ୍ରେସ ବିଜ୍ଞପ୍ତି
ମହାଶୟ,
ମୁଁ ରାକେଶ କୁମାର ପଟ୍ଟନାୟକ ଯୁବ ବ୍ୟବସାୟୀ, ତଥା ସଭାପତି - ପାରାଦୀପ ବନ୍ଦର ମଜଦୁର ସଙ୍ଘ ଓ ସମାଜସେବୀ ଆପଣଙ୍କୁ ଜଣାଉଅଛି କି ଗତ କାଲି ବାପି ସର୍ଖେଲ ପ୍ରେସ ମିଟ କରି ବିଭିନ୍ନ କଥା କହିବା ସହିତ ମୋତେ ଅପରାଧୀ କହି ମୋ ନାମରେ ବିଭିନ୍ନ କୁତ୍ସାରଟନା କରିଛନ୍ତି । ଯାହା କି ମୋ ଆତ୍ମ ସମ୍ମାନ କୁ କ୍ଷୁଣ୍ଣ କରିଅଛି । ଏହାକୁ ମୁଁ ଦୃଢ଼ଭାବରେ ଖଣ୍ଡନ କରିବା ସହ ଆପଣଙ୍କ ଦ୍ଵାରା ପାରାଦ୍ଵୀପ ବାସୀ ଓ ପ୍ରଶାସନ ଙ୍କୁ ନିଚ୍ଛକ ସତ୍ୟ ପ୍ରକାଶ କରୁଅଛି ଯାହାକି ସମ୍ପୂର୍ଣ ସତ୍ୟ ଅଟେ ।
1. ମୋତେ ଆଜି ଅପରାଧୀ ଭାବରେ ଯେଉଁ ଚିତ୍ରଣ କରାଯାଉଛି ତାହା କେବଳ ବାପି ସରଖେଲ ପାଇଁ ଓ ବାପି ସରଖେଲ ଙ୍କ ଦ୍ବାରା ।
2. ଗତ ୨୦୦୭ ମସିହାରେ ମୁଁ ମୋ ଜନ୍ମ ସ୍ଥାନ କାକଟପୁର ଛାଡି ପାରାଦୀପରେ ବାପି ସରଖେଲ ଙ୍କ କମ୍ପାନୀ ସାର୍କ ଗ୍ରୁପ ମାର୍କେଟିଙ୍ଗ ଲିମିଟେଡ଼ ରେ ମ୍ୟାନେଜର ଭାବେ ଚାକିରୀ କଲି । ସେତେବେଳେ ବାପି ସରଖେଲ ଉପରୋକ୍ତ କମ୍ପାନୀ କରିବା ସହିତ ଆଇଓସିଏଲ ରେ ପାରାଦୀପ ଏରସମା ଶିଳ୍ପାଞ୍ଚଳ ବିକାଶ ପରିଷଦ ନାମରେ ଏକ ସଂଗଠନ ମଧ୍ୟ କରିଥିଲେ ।
3. ସାର୍କ ଗ୍ରୁପ ମାର୍କେଟିଙ୍ଗ ଲିମିଟେଡ଼ ର ମ୍ୟାନେଜିଙ୍ଗ ଡାଇରେକ୍ଟର ଅରିନ୍ଦମ ସରଖେଲ (ବାପି) ଥିଲାବେଳେ ତାଙ୍କ ଧର୍ମପତ୍ନୀ ମୋନିଦିପା ସରଖେଲ, ପିତା ଓ ମାତା ଗୌରାଙ୍ଗଲାଲ ସରଖେଲ, ସ୍ବପ୍ନା ସରଖେଲ ଓ ସୁମିତା ଲାହିରି ନାମକ ଜନୈକ ମହିଳା ଡାଇରେକ୍ଟର ଭାବେ ଥିଲେ । ସେତେବେଳେ ଏହି କମ୍ପାନୀ ଆକାଉଣ୍ଟ କୁ ଆଇଓସିଏଲ୍ ରେ କାର୍ଯ୍ୟ କରୁଥିବା ବିଭିନ୍ନ କମ୍ପାନୀ ରୁ ପ୍ରାୟ ୫୦୦କୋଟି ରୁ ଉର୍ଧ ଟଙ୍କା ଆସିଥିଲା । ପରେ ଜାଣିବାକୁ ପାଇଲି ଏହିସବୁ ଟଙ୍କା କୌଣସି କାର୍ଯ୍ୟ ନକରି protection money ନାମରେ ଆସୁଥିଲା ।
4. ପାରାଦୀପ ଏରସମା ଶିଳ୍ପାଞ୍ଚଳ ବିକାଶ ପରିଷଦ ସଂଗଠନ ରେ ପାରାଦୀପ କୁଜଙ୍ଗ ଅଞ୍ଚଳ ରୁ ଶହ ଶହ ଯୁବକ ଙ୍କୁ ସଭ୍ୟ କରାଇ ଆଇଓସିଏଲ ରେ କାର୍ଯ୍ୟ କରୁଥିବା କମ୍ପାନୀ ମାନଙ୍କୁ ଭୟଭୀତ କରାଇ ପ୍ରୋଟେକ୍ସନ ନାମରେ ନିଯୁକ୍ତି ଦଉଥିଲା । ସେହି ସମୟରେ ମୁଁ ବାପି ସରଖେଲ୍ ଙ୍କ କମ୍ପାନୀ ରେ କାମ କରୁଥିବାରୁ ସରଖେଲ ଙ୍କ ବିରୋଧୀ ମାନେ ମୋ ନାମରେ ବିଭିନ୍ନ ସମୟରେ ମାମଲା କରିଥିଲେ ।
5. ବାପି ଙ୍କ କଳା କାରନାମା ଜାଣିବା ପରେ ୨୦୧୬ ମସିହା ରେ ମୁଁ ବାପି ଙ୍କ ଠାରୁ ଦୁରେଇ ଯାଇଥୁଲି । ସେ ମତେ ବାରମ୍ଵାର ଡକେଇବାରୁ ମୁଁ ନ ଯିବାରୁ ୫. ୧. ୨୦୧୬ ରେ ମୁଁ ମୋ ଇନୋଭା ଗାଡ଼ିରେ ଆସୁଥିବା ସମୟରେ ବାଉରିଆପାଳନ୍ଦା ପାଖରେ ମୋ ଗାଡି ଉପରକୁ ଗୁଳି ମାଡ ହୋଇଥିଲା । ୨୯. ୫. ୨୦୧୬ ରେ ବାପି ସରଖେଲ ମୋ ନାମରେ ଲୋକ ଲଗାଇ ଅଭୟଚାନ୍ଦପୁର ଥାନାରେ ମାମଲା କରାଇଥିଲେ । ମୁଁ ଏହି ମାମଲାରେ ଜେଲ ରେ ଥିବାବେଳେ ଆଉ ଦୁଇଟି ମାମଲା ଅଭୟଚାନ୍ଦପୁର ଥାନାରେ କରାଇଥିଲେ ।
6. ୨୦୨୨ ମସିହା ରେ NRL କମ୍ପାନୀ ପାରାଦୀପ ରେ କାର୍ଯ୍ୟ ଆରମ୍ଭ କରିବା ସମୟ ରେ ବାପି ସରଖେଲ ଓ ବାପୁ ପରିଡା କମ୍ପାନୀ କୁ ପ୍ରୋଟେକସନ ଦେଉଥିଲେ । ମୁଁ NRL କମ୍ପାନୀକୁ କାମ ପାଇଁ ବାରମ୍ବାର ଯିବାରୁ ୧. ୧. ୨୦୨୩ ମସିହାରେ ସେମାନେ ପ୍ରୋଟେକ୍ସନ ଦେଉଥିବା ବ୍ରିଜ ଆଣ୍ଡ ରୁଫ କମ୍ପାନୀ ର ତାରିଣୀଗଡା ସ୍ଥିତ ଗେଷ୍ଟହାଉସ ରେ ନିଜେ ଗୁଳିକାଣ୍ଡ ଭିଆଇ ନାଟକୀୟ ଢଙ୍ଗରେ ମୋ ନାମଟି ଛନ୍ଦି ଦେଇଥିଲେ ।
ଏହିଭଳି ଭାବେ ଅନେକ ଗୁଡିଏ ମାମଲା ସେମାନେ ତାଙ୍କ ନିଜ ଲୋକଙ୍କ ଦ୍ବାରା କରାଇ ମୋତେ ଫସାଇ ଚାଲିଛନ୍ତି । ଏଣୁ ମୁଁ ଆପଣଙ୍କ ଗଣମାଧ୍ୟମ ଦ୍ବାରା ପ୍ରଶାସନ ଙ୍କ ଦୃଷ୍ଟିଆକର୍ଷଣ କରିବାକୁ ଚାହେଁ ସାର୍କ ଗ୍ରୁପ ମାର୍କେଟିଙ୍ଗ ଲିମିଟେଡ଼ ଆକାଉଣ୍ଟ ରେ ଆସିଥିବା ୫୦୦ କୋଟି ରୁ ଉର୍ଧ ଟଙ୍କା ର ତଦନ୍ତ କରିବା ସହିତ ମୋ ନାମ ରେ ହୋଇଥିବା ମାମଲା ର ପୁନଃତଦନ୍ତ କରିବାକୁ ପ୍ରଶାସନ ଙ୍କୁ ବିନମ୍ର ନିବେଦନ କରୁଛି ।
| ଇତି ।। ଆପଣଙ୍କର ବିଶ୍ବସ୍ତ
