ସମଲେଇ ପ୍ରକଳ୍ପ ମହାଯଜ୍ଞରେ ଆଜି ପଡ଼ିବ ପୂର୍ଣ୍ଣାହୁତି
ଐତିହାସିକ ପ୍ରକଳ୍ପ ଲୋକାର୍ପଣ ପାଇଁ ଯଜ୍ଞ ଆୟୋଜନ କରାଯାଇଥିଲା। ୨୬ ତାରିଖରେ କଳସ ଯାତ୍ରା ପରେ ଅଧିବାସ ସହ ମୁଖ୍ୟ ଯଜ୍ଞ ମଣ୍ଡପରେ ପୂଜାର୍ଚ୍ଚନା ଆରମ୍ଭ ହୋଇଥିଲା।
ONM_News
ସମଲେଇ ପ୍ରକଳ୍ପ ମହାଯଜ୍ଞରେ ଆଜି ପଡ଼ିବ ପୂର୍ଣ୍ଣାହୁତି। ଐତିହାସିକ ପ୍ରକଳ୍ପ ଲୋକାର୍ପଣ ପାଇଁ ଯଜ୍ଞ ଆୟୋଜନ କରାଯାଇଥିଲା। ୨୬ ତାରିଖରେ କଳସ ଯାତ୍ରା ପରେ ଅଧିବାସ ସହ ମୁଖ୍ୟ ଯଜ୍ଞ ମଣ୍ଡପରେ ପୂଜାର୍ଚ୍ଚନା ଆରମ୍ଭ ହୋଇଥିଲା। ୧୧ଟି ଜିଲ୍ଲାର ୫୦ରୁ ଅଧିକ ପଣ୍ଡିତ ଯଜ୍ଞ କରୁଛନ୍ତି। ଗତ ୨୭ ତାରିଖରେ ମୁଖ୍ୟମନ୍ତ୍ରୀ ପ୍ରକଳ୍ପର ଲୋକାର୍ପଣ କରିଥିଲେ । ତେବେ ଆଜି ଯଜ୍ଞର ଶେଷ ଦିନରେ ମନ୍ଦିରରେ ହଜାର ହଜାର ଭକ୍ତଙ୍କ ଗହଳି ଲାଗିଛି ।
ମୁଖ୍ୟ ଯଜ୍ଞସ୍ଥଳରେ ହୋମ ସାଙ୍ଗକୁ ଚାରିଦ୍ବାରରେ ପୂଜାର୍ଚ୍ଚନା କରାଯାଉଛି। ମନ୍ତ୍ରଧ୍ବନିରେ ମୁଖରିତ ହେଉଛି ସାରା ପରିବେଶ । ଆଧ୍ୟାତ୍ମିକ ମାହୋଲରେ ମାଆଙ୍କୁ ଦର୍ଶନ କରୁଛନ୍ତି ଶ୍ରଦ୍ଧାଳୁ। ପ୍ରକଳ୍ପ ବୁଲିବା ସହ ମାଆଙ୍କୁ ଦର୍ଶନ କରି ସିନ୍ଦୂର ଓ ଚୁନରୀ ଦେଉଛନ୍ତି ଶ୍ରଦ୍ଧାଳୁ । ପ୍ରତିଦିନ ଆୟୋଜନ ହେଉଛି ମହାନଦୀ ସଂଧ୍ୟା ଅଳତୀ। ମାଆଙ୍କୁ ଦର୍ଶନ କରିବା ସହ ମହାନଦୀ ସଂଧ୍ୟା ଅଳତୀଙ୍କୁ ଦେଖି ଦିବ୍ୟ ଅନୁଭୂତି ନେଉଛନ୍ତି ଶ୍ରଦ୍ଧାଳୁ। ଖଣ୍ଡୋଲାଇଟ୍ ପଥରରେ ନିର୍ମିତ ଭବ୍ୟ ସମଲେଇ ପ୍ରକଳ୍ପ ଏବେ ଖାଲି ସମ୍ବଲପୁବାସୀ ନୁହନ୍ତି ରାଜ୍ୟ ବାହାର ଶ୍ରଦ୍ଧାଳୁଙ୍କ ପ୍ରଶଂସା ସାଉଁଟୁଛି।
