ପାରାଦୀପ ର ନୂଆ ଏଏସପି , ଅମରେନ୍ଦ୍ର ପଣ୍ଡା
ପାରାଦୀପ ର ନୂତନ ଅତିରିକ୍ତ ଆରକ୍ଷୀ ଅଧିକ୍ଷକ ଭାବେ ନିଯୋଜିତ ହେଲେ ଅମରେନ୍ଦ୍ର ପଣ୍ଡା
Onm
କମିଶନରେଟ୍ ପୋଲିସ୍ ରେ କାର୍ଯ୍ୟରତ ଏସିପି ଅମରେନ୍ଦ୍ର ପଣ୍ଡା ଇତିମଧ୍ୟରେ ପାରାଦୀପରେ ନୂତନ ଅତିରିକ୍ତ ଆରକ୍ଷୀ ଅଧିକ୍ଷକ ଭାବେ ନିୟୋଜିତ ହୋଇଛନ୍ତି। ଏନେଇ ସରକାର ଙ୍କ ପକ୍ଷରୁ ବିଦ୍ଧିବଦ୍ଧ ଭାବେ ବିଜ୍ଞପ୍ତି ପ୍ରକାଶ ପାଇଛି। ପୂର୍ବରୁ ପାରାଦୀପ ଅତିରିକ୍ତ ଆରକ୍ଷୀ ଅଧିକ୍ଷକ ଭାବେ ନିମାଇଁ ଚନ୍ଦ୍ର ସେଠୀ କାର୍ଯ୍ୟରତ ଥିବା ବେଳେ ପଦୋନ୍ନତି ପାଇ ବଦଳି ହୋଇଥିଲେ ଯେଉଁଥିରେ ପାରାଦୀପ ଏଏସପି ପଦ ଖାଲି ପଡିଥିଲା। ଯେହେତୁ ପାରାଦୀପ ଏକ ବନ୍ଦର ଭିତ୍ତିକ ଶିଳ୍ପାଞ୍ଚଳ ସେଦୃଷ୍ଟିରୁ ଆଇନ୍ ଶୃଙ୍ଖଳା ପରିସ୍ଥିତି ସମ୍ଭାଳିବା ନେଇ ପାରାଦୀପ ଅତିରିକ୍ତ ଆରକ୍ଷୀ ଅଧିକ୍ଷକଙ୍କ ପଦବୀ ବହୁ ଗୁରୁତ୍ବପୂର୍ଣ୍ଣ ଭୂମିକା ନିର୍ବାହ କରିଥାଏ। ସେଥିପାଇଁ ଏ ଅଞ୍ଚଳକୁ ଦକ୍ଷ ପ୍ରଶାସକ ଙ୍କ ଆବଶ୍ୟକତା ପଡ଼ିଥାଏ।
ରାଷ୍ଟ୍ରପତି ପୁରସ୍କାର ପ୍ରାପ୍ତ ଶ୍ରୀଯୁକ୍ତ ଅମରେନ୍ଦ୍ର ପଣ୍ଡା ପିଲାଟି ଦିନ ରୁ ଲକ୍ଷଥିଲା ପୋଲିସ ଅଫିସର ହେବାପାଇଁ, ଏପରିକି ପିଲାଦିନେ ରାସ୍ତା ରେ ଯଦି କେହି ପୋଲିସ ଏବଂ ପୋଲିସ ଗାଡ଼ି ଟିଏ ଯାଉଥିଲା ତାକୁ ପଛରୁ ଫେରିକି ବାରମ୍ବାର ଚାହୁଁ ଥିଲେ ଅମରେନ୍ଦ୍ର, ଯେ କି ବଡ଼ ହେଲେ ଏହିପରି ପୋଲିସ ଅଫିସର ହେବା ପାଇଁ ଲକ୍ଷ ରଖିଥିଲେ। ତେବେ ଏଥିରେ ପ୍ରୋତ୍ସାହନ ଯୋଗାଇ ଦେଇ ଥିଲେ ଭାରତୀୟ ସୈନ୍ୟ ବାହିନୀ ରେ କାର୍ଯ୍ୟରତ ନିଜର ଦାଦା, ଅମରେନ୍ଦ୍ର ତାଙ୍କର ପାଇଁ ପାଠ ପଢିବା ସମୟରେ ହିଁ ନିଜ ସ୍ବପ୍ନକୁ ସାକାର କରିବା ପାଇଁ ଏନ୍ ସି ସି କ୍ୟାମ୍ପରେ ଯୋଗ ଦେଇଥିଲେ ଏବଂ ପରେ ସିଲେକ୍ଟ ହୋଇ ଦିଲ୍ଲୀ ଯାଇଥିଲେ ଆରଟିସି କ୍ୟାମ୍ପ ରେ ଯୋଗ ଦେବା ପାଇଁ। ୧୯୯୨ ମସିହାରେ ରେଭେନ୍ସା ରୁ ପାସ୍ ଆଉଟ୍ ହେବାପରେ ଅମରେନ୍ଦ୍ର ପୋଲିସ ସେବାରେ ଯୋଗ ଦେବା ପାଇଁ ଇଣ୍ଟରଭିୟୁ ଦେଇଥିଲେ ଯେଉଁଥିରେ ସେ ପ୍ରଥମ ଇଣ୍ଟରଭିୟୁ ରେ ହିଁ କୃତକାର୍ଯ୍ୟ ହୋଇଥିଲେ, କାହିଁକି ନା ଯେମିତି ହେଲେ ଅମରେନ୍ଦ୍ର ଚାହୁଁଥିଲେ ପୋଲିସ ସେବାରେ ଯୋଗ ଦେବାପାଇଁ। ଯାହାକି ଜୀବନର ଏକ ଲକ୍ଷ ବୋଲି ଧରି ନେଇଥିଲେ । ପୋଲିସ ଜୀବନ ରେ ପ୍ରଥମେ ୧୯୯୩ ମସିହା ଅଗଷ୍ଟ ୧୫ ତାରିଖ ୧୨.୪୩ ମିନିଟ୍ ରେ ଅମରେନ୍ଦ୍ର ଅନୁଗୁଳ ପିଟିସି ରେ ପ୍ରଥମେ ପୋଲିସ ଚାକିରି ଆରମ୍ଭ କରିଥିଲେ। ପରେ ପୋଲିସ ଏସ୍ ଆଇ ଭାବେ ନୟାଗଡ଼ ଜିଲ୍ଲାରେ ନିଯୁକ୍ତି ପାଇଥିଲେ। ଯେଉଁଠି ପ୍ରାୟ ୮ବର୍ଷ ଧରି ଲୋକ ଙ୍କୁ ନୀରବଚ୍ଛିନ୍ନ ସେବା ଯୋଗାଇ ଦେଇଥିଲେ। ଏହା ପରେ ବଦଳି ହୋଇଥିଲା ଜଗତସିଂହପୁର ଜିଲ୍ଲା କୁ ।
ତେବେ ପୋଲିସ ଚାକିରି କାଳରେ ଅମରେନ୍ଦ୍ର ଙ୍କ ପାଇଁ ବହୁତ ଚ୍ୟାଲେଞ୍ଜ ରହିଥିଲା। ବିଶେଷ କରି ନିରବଚ୍ଛିନ୍ନ ସେବା ଯୋଗାଇ ଦେବା ବେଳେ ଗତ ମହାମାରୀ କରୋନା ସମୟରେ କୋଭିଡ୍ ରେ ମଧ୍ୟ ଆକ୍ରାନ୍ତ ହୋଇଥିଲେ। ତେବେ ନୀରବଚ୍ଛିନ୍ନ ସେବା ଯୋଗାଇ ଦେଇ ୨୦୨୨ ମସିହା ଜାନୁଆରୀ ମାସ ୨୬ ତାରିଖ ଦିନ ଶ୍ରୀଯୁକ୍ତ ପଣ୍ଡା ରାଷ୍ଟ୍ରପତି ପୁରସ୍କାର ପ୍ରାପ୍ତ କରି ସମ୍ମାନିତ ହୋଇଥିଲେ।
ଏସିପି ଅମରେନ୍ଦ୍ର ପଣ୍ଡା ଓଡିଶାର ଜଣେ ଉତ୍ସର୍ଗୀକୃତ ତଥା ବହୁ ସମ୍ମାନିତ ପୋଲିସ ଅଧିକାରୀ। ସେ ପ୍ରାୟ ଦୁଇ ଦଶନ୍ଧି ଧରି ଓଡିଶା ପୋଲିସର ସେବା କରିଆସୁଛନ୍ତି ଏବଂ ରାଜ୍ୟରେ ଅନେକଙ୍କ ପାଇଁ ଏକ ଆଇକନ୍ ପାଲଟିଛନ୍ତି। ତାଙ୍କର ଅତୁଳନୀୟ ପୋଲିସିଂ ଦକ୍ଷତା ବୃତ୍ତିଗତତା ଏବଂ ଓଡିଶାର ଲୋକଙ୍କ ସେବା କରିବା ପାଇଁ ପ୍ରତିବଦ୍ଧତା ତାଙ୍କୁ କ୍ୟାରିୟ ରେ ଅନେକ ପୁରସ୍କାର ଏବଂ ପ୍ରଶଂସା ଅର୍ଜନ କରିଛନ୍ତି |
ଶ୍ରୀଯୁକ୍ତ ପଣ୍ଡା ରାଜ୍ୟର ଅନେକ ଗୁରୁତ୍ୱପୂର୍ଣ୍ଣ ପଦବୀରେ କାର୍ଯ୍ୟ କରି 2014 ରେ ଭୁବନେଶ୍ୱର ଏବଂ କଟକ ସହରରେ ଏସିପି ଟ୍ରାଫିକ ଭାବରେ ନିଯୁକ୍ତ ହୋଇଥିଲେ ଏବଂ ରାଜ୍ୟରେ ଟ୍ରାଫିକ ପରିଚାଳନା ବ୍ୟବସ୍ଥାରେ ସେ ପ୍ରମୁଖ ଭୂମିକା ଗ୍ରହଣ କରିଥିଲେ।
2019 ରେ ସେ ଏସିପି କ୍ରାଇମ ବ୍ରାଞ୍ଚ ଓଡିଶା ପୋଲିସ ଭାବରେ ନିଯୁକ୍ତ ହୋଇଥିଲେ। ଏହି ଭୂମିକାରେ ସେ ଜଣେ ଭେଟେରାନ ଓଡିଆ ଟେଲିଭିଜନ ଅଭିନେତାଙ୍କ ସହ ଜଡିତ ସମ୍ବେଦନଶୀଳ ବ୍ଲାକମେଲ ଏବଂ ଚୋରୀ ମାମଲା ସମେତ ଅନେକ ଉଚ୍ଚ-ପ୍ରୋଫାଇଲ ମାମଲା ସୁଚାରୁ ରୂପେ ତୁଲାଇଛନ୍ତି।
ତାଙ୍କର ନିୟମିତ ପୋଲିସ୍ କର୍ତ୍ତବ୍ୟ ବ୍ୟତୀତ ଅମରେନ୍ଦ୍ର ପଣ୍ଡା ମଧ୍ୟ ଜଣେ ବିଶିଷ୍ଟ କ୍ରୀଡ଼ାବିତ୍ | ସେ ଜାତୀୟ ସ୍ତରର ସନ୍ତରଣ ଚାମ୍ପିଅନସିପରେ ଓଡିଶାର ପ୍ରତିନିଧିତ୍ୱ କରିଛନ୍ତି ଏବଂ ରାଜ୍ୟ ସ୍ତରୀୟ ତଥା ଜାତୀୟ ସ୍ତରର ସନ୍ତରଣ ଚାମ୍ପିଅନ୍ ମଧ୍ୟ ହୋଇଛନ୍ତି।
ମୋଟାମୋଟି ଏସିପି ଅମରେନ୍ଦ୍ର ପଣ୍ଡା ଜଣେ ପୋଲିସ୍ ଅଧିକାରୀଙ୍କ ଉଜ୍ଜ୍ୱଳ ଉଦାହରଣ, ଯିଏ ଓଡ଼ିଶାର ଲୋକମାନଙ୍କୁ ସେବା କରିବା ପାଇଁ ଉତ୍ସର୍ଗୀକୃତ ଅଟନ୍ତି। ଜନ ନିରାପତ୍ତା ତଥା କଲ୍ୟାଣରେ ତାଙ୍କର ଅବଦାନ ତାଙ୍କୁ ସମଗ୍ର ଓଡିଶା ପୋଲିସ୍ ଫୋର୍ସ ତଥା ରାଜ୍ୟବାସୀଙ୍କ ସମ୍ମାନ ଏବଂ ପ୍ରଶଂସା କରିପାରିଛି।
