ଭାରତୀୟ ରେଳପଥକୁ ୨.୬୨ ଲକ୍ଷ କୋଟିର ବ୍ୟୟବରାଦ
ବଜେଟରେ ଭାରତୀୟ ରେଳପଥକୁ ୨.୬୨ ଲକ୍ଷ କୋଟି ଟଙ୍କାର ବ୍ୟୟବରାଦ ହୋଇଛି
ONM_News
ବଜେଟରେ ଭାରତୀୟ ରେଳପଥକୁ ୨.୬୨ ଲକ୍ଷ କୋଟି ଟଙ୍କାର ବ୍ୟୟବରାଦ ହୋଇଛି। ଏଥିରେ ବିଭିନ୍ନ ନିରାପତ୍ତା କାର୍ଯ୍ୟପାଇଁ ରେଲୱେ ୧.୦୮ ଲକ୍ଷ କୋଟି ଟଙ୍କା ପୁଞ୍ଜି ବିନିଯୋଗ କରିବ । ରେଳ ମନ୍ତ୍ରୀ ଅଶ୍ୱିନୀ ବୈଷ୍ଣବ କହିଛନ୍ତି, ରେଲୱେକୁ ବ୍ୟୟବରାଦ ଏଥର ରେକର୍ଡ କରିଛି । ନିରାପତ୍ତାକୁ ପ୍ରାଥମିକତା ଦେଇ ୧.୦୮ ଲକ୍ଷ କୋଟିର ପୁଞ୍ଜି ବିନିଯୋଗ କରାଯିବ ।
ବୈଷ୍ଣବ ପୁଣି କହିଛନ୍ତି, ସାଧାରଣ ବର୍ଗର ରେଳ ଯାତ୍ରା ଚାହିଦା ଦ୍ରୁତ ହୋଇଛି । ଏହାକୁ ନଜରରେ ରଖି ରେଲୱେ ୧୦ ହଜାର ଅତିରିକ୍ତ ଜେନେରାଲ କୋଚ ଉତ୍ପାଦନ କରିବାକୁ ଲକ୍ଷ୍ୟ ରଖିଛି । ବଜେଟ ବ୍ୟୟବରାଦ ଦ୍ୱାରା ଏହି ଚାହିଦାକୁ ପୂରଣ କରିବେ ସରକାର । ଗତ ୧୦ ବର୍ଷରେ ରେଲୱେ ୫ ଲକ୍ଷ ନିଯୁକ୍ତି ପ୍ରଦାନ କରିଛି । ପୂର୍ବ ସରକାରଙ୍କ ତୁଳନାରେ ଏହା ୨୦% ଅଧିକ । ରେଳପଥ ନୂଆ ପ୍ରକଳ୍ପ ଆଣିବା ଉପରେ ଫୋକସ କରୁଛି । ଏହା ମଧ୍ୟରେ କାଶ୍ମୀର ଏବଂ ଉତ୍ତରପୂର୍ବ ଭାରତକୁ ଯୋଡିବା ଭଳି ବିଭିନ୍ନ ପ୍ରକଳ୍ପ ସାମିଲ ରହିଛି । ବନ୍ଦେ ମେଟ୍ରୋ, ବନ୍ଦେ ଭାରତ, ଅମୃତ ଭାରତ ଭଳି ପ୍ରକଳ୍ପ ଗୁଡିକ ମଧ୍ୟ ହାତକୁ ନିଆଯିବ । ଗତ ଆର୍ôଥକ ବର୍ଷରେ ଅର୍ଥମନ୍ତ୍ରୀ ରେଳପଥକୁ ୨.୪୦ ଲକ୍ଷ କୋଟିର ପାଣ୍ଠି ପ୍ରଦାନ କରିଥିଲେ ।
