ଜାମ୍ମୁକାଶ୍ମୀର ବିଧାନସଭା ନିର୍ବାଚନ ପାଇଁ ପ୍ରାର୍ଥୀ ତାଲିକା ଘୋଷଣା କଲା ବିଜେପି
୪୪ ଜଣିଆ ପ୍ରାର୍ଥୀ ତାଲିକା ଜାରି କରିଛି ଭାରତୀୟ ଜନତା ପାର୍ଟି।
ONM_News
ଜାମ୍ମୁକାଶ୍ମୀର ବିଧାନସଭା ନିର୍ବାଚନ ପାଇଁ ବିଜେପି ପ୍ରାର୍ଥୀ ତାଲିକା ଘୋଷଣା କଲା ବିଜେପି। ୪୪ ଜଣିଆ ପ୍ରାର୍ଥୀ ତାଲିକା ଜାରି କରିଛି ଭାରତୀୟ ଜନତା ପାର୍ଟି। ପ୍ରଥମ ପର୍ଯ୍ୟାୟ ପାଇଁ ୧୫, ଦ୍ଵିତୀୟ ପର୍ଯ୍ୟାୟ ପାଇଁ ୧୦, ତୃତୀୟ ପର୍ଯ୍ୟାୟ ପାଇଁ ୧୯ ଜଣିଆ ପ୍ରାର୍ଥୀ ତାଲିକା ଘୋଷଣା କରିଛି ଦଳ। ଏହି ପ୍ରାର୍ଥୀ ତାଲିକାରୁ ପୂର୍ବତନ ଉପ-ମୁଖ୍ୟମନ୍ତ୍ରୀ ନିର୍ମଳ ସିଂହ ବାଦ୍ ପଡିଛନ୍ତି।
ପରବର୍ତ୍ତୀ ତାଲିକାରେ ତାଙ୍କ ନାମ ଆସିପାରେ ବୋଲି ଚର୍ଚ୍ଚା ହେଉଛି।
ଏହି ପ୍ରାର୍ଥୀ ତାଲିକାରେ ଥିବା ପ୍ରମୁଖ ଚେହେରାଗୁଡ଼ିକ ହେଲେ ରାଜପୋରାରୁ ଅର୍ଶିଦ ଭଟ୍ଟ, ଶୋପିଆଁରୁ ଜାବେଦ ଅହମ୍ମଦ କାଦରୀ, ଅନନ୍ତନାଗ ପଶ୍ଚିମରୁ ମହମ୍ମଦ ରଫିକ ବାନି, ଅନନ୍ତନାଗରୁ ଆଡଭୋକେଟ ସୟଦ ୱଜାହତ, ଶିଶତୱାଡରୁ ଶଗୁନ ପରିହାର, ଡୋଡାରୁ ଗଜୟ ସିଂହ ରାଣା, ପମ୍ପୋରାରୁ ସୟଦ ଶୌକତ ଗୟୁର ଅନ୍ଦ୍ରାବି, ବିଜବେହରାରୁ ସୋଫି ୟୁସୁଫ, ଅନନ୍ତନାଗ ପୂର୍ବରୁ ବୀର ସରାଫ, ଜାମ୍ମୁ ପୂର୍ବରୁ ଯୁଦ୍ଧବୀର ସେଠି, ଜାମ୍ମୁ ପଶ୍ଚିମରୁ ଅରବିନ୍ଦ ଗୁପ୍ତା, ଜାମ୍ମୁ ଉତ୍ତରରୁ ଶାମ ଲାଲ ଶର୍ମା।।
ସୂଚନାନୁଯାୟୀ, ଜାମ୍ମୁକାଶ୍ମୀରରେ ଆସନ୍ତା ସେପ୍ଟେମ୍ଵର ୧୮ ତାରିଖରୁ ୩ଟି ପର୍ଯ୍ୟାୟରେ ନିର୍ବାଚନ ହେବ। ୧୮ ତାରିଖରେ ପ୍ରଥମ ପର୍ଯ୍ୟାୟ, ୨୩ ତାରିଖରେ ଦ୍ଵିତୀୟ ପର୍ଯ୍ୟାୟ ଏବଂ ଅକ୍ଟୋବର ୧ ତାରିଖରେ ତୃତୀୟ ପର୍ଯ୍ୟାୟ ନିର୍ବାଚନ ହେବ।
