ମହାନଦୀ ଜଳ ବିବାଦ, ଟ୍ରିବ୍ୟୁନାଲର ୨ୟ ପର୍ଯ୍ୟାୟ ଅନୁଧ୍ୟାନ ଆରମ୍ଭ
ମହାନଦୀ ଜଳ ବିବାଦ ପ୍ରସଙ୍ଗରେ ଛତିଶଗଡରେ ଟ୍ରିବ୍ୟୁନାଲ୍ ତାର ଦ୍ବିତୀୟ ପର୍ଯ୍ୟାୟ ଅନୁଧ୍ୟାନ ଆରମ୍ଭ କରିଛି ।
ONM_News
ମହାନଦୀ ଜଳ ବିବାଦ ପ୍ରସଙ୍ଗରେ ଛତିଶଗଡରେ ଟ୍ରିବ୍ୟୁନାଲ୍ ତାର ଦ୍ବିତୀୟ ପର୍ଯ୍ୟାୟ ଅନୁଧ୍ୟାନ ଆରମ୍ଭ କରିଛି । ରବିବାରଠାରୁ ଆରମ୍ଭ ହୋଇଥିବା ୪ ଦିନିଆ ଗସ୍ତର ପ୍ରଥମ ଦିନରେ କୋର୍ବା ନିକଟସ୍ଥ ମିନିମାତା ବଙ୍ଗୋ ଡ୍ୟାମରୁ ଅନୁଧ୍ୟାନ ଆରମ୍ଭ କରିଛନ୍ତି ।ଏହାସହ କୁମ୍ଭାରୀ ଡ୍ୟାମ୍, ହରଡି–୨ ଆନିକଟ,ସୀଓରିନାରାୟଣ ବ୍ୟାରେଜ, ତେଲ ଦେଉରୀ ଆନିକଟ ଗସ୍ତ କରିଛନ୍ତି | ଯାହାକୁ ନେଇ ଛତିଶଗଡ ଛାତିରେ ପଶିଛି ଛନକା |ମିଛ ଧରାପଡିବା ଭୟରେ ଟ୍ରିବ୍ୟୁନାଲ କଲମା ପହଞ୍ଚିବା ପୂର୍ବରୁ ୧୪ଟି ଗେଟ ବନ୍ଦ କରି ଗୋଟିଏ ଗେଟ୍ ଖୋଲା ରଖିଛି ।
ସେପଟେ ମଙ୍ଗଳବାର ଏହି ଟିମ୍ ବିବାଦୀୟ କଲମା ବ୍ୟାରେଜ ଗସ୍ତ କରିବେ । ୩ ତାରିଖ ବିବାଦୀୟ କେଲୋ ଗସ୍ତ କରିବା କାର୍ଯ୍ୟକ୍ରମ ରହିଛି । ଟ୍ରିବ୍ଯୁନାଲ ଗସ୍ତ ପରଠାରୁ ମହାନଦୀ ଜଳ ବିବାଦ ପ୍ରସଙ୍ଗ ଚର୍ଚ୍ଚାର ପରିଧି ଭିତରକୁ ଆସିଛି | ଖାସ କରି ଟ୍ରିବ୍ୟୁନାଲ ୫ ବର୍ଷ ପରେ ଏହା ପ୍ରଥମ କ୍ଷେତ୍ର ପରିଦର୍ଶନ ହୋଇଥିବାବେଳେ ଏହା ଉପରେ କେନ୍ଦ୍ର ତଥା ଉଭୟ ରାଜ୍ୟର ନଜର ରହିଛି । ଦ୍ବିତୀୟ ଓ ତୃତୀୟ ପର୍ଯ୍ଯାୟରେ ଓଡିଶାରେ ଅନୁଧ୍ୟାନ କରିବ ଟ୍ରିବ୍ୟୁନାଲ ।
