ଓଡ଼ିଶା ମିଲେଟ୍ ମିସନକୁ ଗ୍ଲୋବାଲ ମଡେଲ୍ ପୁରସ୍କାର
ମିଲେଟରେ ପ୍ରୋତ୍ସାହନ ପାଇଁ ଓଡ଼ିଶା ମିଲେଟ ମିସନକୁ ଗ୍ଲୋବାଲ ମଡେଲ୍ ପୁରସ୍କାର ମିଳିଛି।
ONM_News
ମିଲେଟରେ ପ୍ରୋତ୍ସାହନ ପାଇଁ ଓଡ଼ିଶା ମିଲେଟ ମିସନକୁ ଗ୍ଲୋବାଲ ମଡେଲ୍ ପୁରସ୍କାର ମିଳିଛି। ଇଣ୍ଡିଆନ୍ ଇନଷ୍ଟିଚ୍ୟୁଟ ଅଫ୍ ମିଲେଟ ରିସର୍ଚ୍ଚ ପକ୍ଷରୁ ହାଇଦ୍ରାବାଦ ଠାରେ ଆୟୋଜିତ ଅନ୍ତଃରାଷ୍ଟ୍ରୀୟ ପୁଷ୍ଟିଶସ୍ୟ ସମ୍ମିଳନୀ ୫.୦ ଅବସରରେ ଏହି ପୁରସ୍କାର ମିଳିଛି। କୃଷି ଓ କୃଷକ ସଶକ୍ତିକରଣ ବିଭାଗର ପ୍ରମୁଖ ଶାସନ ସଚିବ ଡ. ଅରବିନ୍ଦ କୁମାର ପାଢ଼ୀ ଏହି ପୁରସ୍କାର ଗ୍ରହଣ କରିଛନ୍ତି। ଇଣ୍ଡିଆନ୍ ଇନ୍ଷ୍ଟିଚ୍ୟୁଟ୍ ଅଫ୍ ମିଲେଟସ୍ ରିସର୍ଚ୍ଚ ଆନୁକୂଲ୍ୟରେ ହାଇଦ୍ରାବାଦଠାରେ ନଭେମ୍ବର ୨୭ ଓ ୨୮ ତାରିଖରେ ଦୁଇଦିନିଆ ଅନ୍ତରାଷ୍ଟ୍ରୀୟ ପୁଷ୍ଟିଶସ୍ୟ ସମ୍ମିଳନୀ ୫.୦ ଆୟୋଜନ କରାଯାଇଥିଲା।
ତେଲେଙ୍ଗାନାର ରାଜ୍ୟପାଳ ଡ. ତାମିଲସାଇ ସୌନ୍ଦରାରାଜନ୍ଙ୍କ ଅଧ୍ୟକ୍ଷତାରେ ଆୟୋଜିତ ଅନ୍ତିମ ଦିନର କାର୍ଯ୍ୟକ୍ରମରେ ପୁଡ଼ୁଚେରିର ଉପରାଜ୍ୟପାଳ ମୁଖ୍ୟ ଅତିଥି ଥିଲେ। ଏଥିରେ କୃଷି ବିଭାଗ ପ୍ରମୁଖ ଶାସନ ସଚିବ ଡ. ପାଢ଼ୀ ଉଦ୍ଯାପନୀ ଉତ୍ସବରେ ଅଭିଭାଷଣ ଦେବା ସହିତ ଖାଦ୍ୟ ଓ ପୁଷ୍ଟି ନିରାପତ୍ତା ପାଇଁ ରାଜ୍ୟ ମିଲେଟସ୍ ମିଶନ ମାଧ୍ୟମରେ ମିଲେଟସ୍କୁ ମୁଖ୍ୟଧାରାରେ ସମ୍ମିଳିତ କରିବା ଆଧାରିତ ବିଷୟବସ୍ତୁର ଅଧିବେଶନରେ ସହଅଧ୍ୟକ୍ଷ ଭାବେ ନିଜର ବକ୍ତବ୍ୟ ଉପସ୍ଥାପନ କରିଥିଲେ। ସମ୍ମିଳନୀରେ ମିଲେଟ ସ୍କିମ୍ ଅଧିକାରୀ କଳ୍ପନା ପ୍ରଧାନ, ସ୍ୱୟଂଶ୍ରଦ୍ଧା ମହିଳା ମହାସଂଘର ପ୍ରତିନିଧିମାନେ ଯୋଗଦେଇଥିଲେ ।
