ପୁଣି ତାତିଲା ଘରୋଇ ବସ୍ ମାଲିକ ସଂଘ; ପହିଲାରୁ ବସ୍ ଧର୍ମଘଟ
ପୁଣି ତାତିଲା ଘରୋଇ ବସ୍ ମାଲିକ ସଂଘ; ପହିଲାରୁ ବସ୍ ଧର୍ମଘଟ
ONM_News
ପୁଣି ତାତିଲେ ରାଜ୍ୟ ଘରୋଇ ବସ୍ ମାଲିକ ସଂଘ । ପୁଣି ଥରେ ବସ୍ ଧର୍ମଘଟ ନେଇ ଘରୋଇ ମାଲିକ ସଂଘର ନିଷ୍ପତ୍ତି ନେଇଛି । ଡିସେମ୍ବର ୧ରୁ ରାଜ୍ୟ ତମାମ ବସ୍ ଧର୍ମଘଟ ହେବ ବୋଲି କହିଛି ସଂଘ । ଏନେଇ ରାଜ୍ୟ ଘରୋଇ ବସ୍ ମାଲିକ ସଂଘର କର୍ମକର୍ତ୍ତା ବରଦା ଆଚାର୍ଯ୍ୟ ସୂଚନା ଦେଇଛନ୍ତି । ନଭେମ୍ବର ୨୨ରୁ ବିଧାନସଭା ସମ୍ମୁଖରେ ମାଲିକମାନେ ଧାରଣା ଦେବେ ବୋଲି ସୂଚନା ଦେଇଛନ୍ତି ବରଦା ଆଚାର୍ଯ୍ୟ ।
ପୂର୍ବରୁ ସଂଘର ଦାବିକୁ ନେଇ ରାଜ୍ୟ ସରକାରଙ୍କ ସହ ବାରମ୍ବାର ଆଲୋଚନା ହୋଇଛି । ଏମିତି କି ପରିବହନ ମନ୍ତ୍ରୀଙ୍କ ସହ ମଧ୍ୟ ଆଲୋଚନା କରିଛି ସଂଘ । ହେଲେ ସଂଘର ଦାବି ମୁତାବକ ସରକାର ସେପରି କୌଣସି ପଦକ୍ଷେପ ନେଇନଥିବା ଅଭିଯୋଗ ହୋଇଛି । ବାରମ୍ବାର ପ୍ରତିଶ୍ରୁତି ମିଳିଥିଲେ ବି କୌଣସି କାର୍ଯ୍ୟକାରୀ ହୋଇପାରୁନାହିଁ ।
ତେବେ ବସ୍ ମାଲିକଙ୍କ ଏହି ଅପେକ୍ଷାର ଅନ୍ତ କେବେ ହେବ, କାହାକୁ ଜଣାନାହିଁ । ଦିନ ପରେ ଦିନ ଗଡ଼ୁଥିଲେ ମଧ୍ୟ ଏ ସମସ୍ୟାର ସମାଧାନ କେବେ ହେବ ଯେପରି କାହା ପାଖରେ ଉତ୍ତର ହିଁ ନାହିଁ । ରାଜ୍ୟରେ ବାରମ୍ବାର ଘରୋଇ ବସ୍ ମାଲିକମାନଙ୍କ ଅସନ୍ତୋଷ କାରଣରୁ ବସ୍ ଧର୍ମଘଟ ଡାକରା ଦିଆଯାଉଛି । ଫଳରେ ଯାତ୍ରୀମାନେ ଅନେକ ସମୟରେ ବିଭିନ୍ନ ଅସୁବିଧାର ସମ୍ମୁଖିନ ହେଉଛନ୍ତି ।
