ମନ୍ତ୍ରୀ ନବ ଦାସଙ୍କ ହତ୍ୟା ମାମଲାରେ ଚାଞ୍ଚଲ୍ୟର ବୟାନ ଦେଇଛନ୍ତି ପୂର୍ବତନ ମୁଖ୍ୟ ଶାସନ ସଚିବ ବିଜୟ ପଟ୍ଟାନୟକ
ବୋଧହୁଏ ନବ ଦାସଙ୍କୁ ମାରିନି ଗୋପାଳ । ମନ୍ତ୍ରୀ ନବ ଦାସଙ୍କ ହତ୍ୟା ମାମଲାରେ ଏମିତି କିଛି ଚାଞ୍ଚଲ୍ୟର ବୟାନ ଦେଇଛନ୍ତି ସଜ ସଜ କଂଗ୍ରେସରେ ମିଶିଥିବା ପୂର୍ବତନ ମୁଖ୍ୟ ଶାସନ ସଚିବ ବିଜୟ ପଟ୍ଟାନୟକ
Onm
3459
ମନ୍ତ୍ରୀ ନବ ଦାସଙ୍କ ହତ୍ୟା ମାମଲାରେ ପୂର୍ବତନ ମୁଖ୍ୟ ଶାସନ ସଚିବଙ୍କ ବଡ଼ ବୟାନ
ବୋଧହୁଏ ନବ ଦାସଙ୍କୁ ମାରିନି ଗୋପାଳ ।
ମନ୍ତ୍ରୀ ମବ ଦାସଙ୍କ ହତ୍ୟା ମାମଲାରେ ଏମିତି କିଛି ଚାଞ୍ଚଲ୍ୟର ବୟାନ ଦେଇଛନ୍ତି ସଜ ସଜ କଂଗ୍ରେସରେ ମିଶିଥିବା ପୂର୍ବତନ ମୁଖ୍ୟ ଶାସନ ସଚିବ ବିଜୟ ପଟ୍ଟାନୟକ ।
ସେ କହିଛନ୍ତି ଯେ, ବୋଧ ହୁଏ ଗୋପାଳ ଦାସ ମାରିନି । ଏହା ପଛରେ ନିଶ୍ଚିତ ଅନ୍ୟ କୌଣସି ଲୋକର ହାତ ଅଛି । କାହାର ହାତ ନଥିଲେ, ଏଏସଆଇ ଗୋପାଳ ଦାସ କଣ ମାରିଦେଇ ପାରିବ ? କିଏ ମାରିଛି, କ୍ରାଇମବ୍ରାଞ୍ଚ ସତ୍ୟତା ଉନ୍ମୋଚନ କରିବା ଦରକାର। ଯଦି କ୍ରାଇମବ୍ରାଞ୍ଚ ଏଥିରେ ସଫଳ ହେଉନି, ତେବେ ମାମଲା ସିବିଆଇକୁ ହସ୍ତାନ୍ତର ହେଉ ।
ସେପଟେ ଆଜି ଦିଲ୍ଲୀରୁ ଫେରିବା ପରେ ରାଜ୍ୟ ସରକାରଙ୍କ ଉପରେ ବର୍ଷିଛନ୍ତି ବିଜୟ ପଟ୍ଟନାୟକ । କଂଗ୍ରେସ ଭବନରେ ଆୟୋଜିତ ଏକ ସାମ୍ବାଦିକ ସମ୍ମିଳନୀରେ ବିଜୟ କହିଛନ୍ତି, ଲୋକମାନେ ଯେଉଁ ସରକାରଙ୍କୁ ଭୋଟ୍ ଦେଇ ଜିତାଇଛନ୍ତି, ସେହି ଲୋକମାନଙ୍କ କଥା ଏବେ ସରକାର ଶୁଣିପାରୁନି । ବିଜୟ ପଟ୍ଟନାୟକ ଆହୁରି କହିଛନ୍ତି, ଓଡ଼ିଶାରେ ଓଡ଼ିଆମାନେ ନିର୍ଯ୍ୟାତିତ। ଓଡ଼ିଶାର କଣ୍ଟ୍ରାକ୍ଟରମାନେ କାମ ପାଇପାରୁନାହାଁନ୍ତି। କେବଳ ବଡ଼ ବଡ଼ ନୁହେଁ, ଛୋଟ ଛୋଟ କଣ୍ଟ୍ରାକ୍ଟର ଯଦି ଓଡ଼ିଶା ବାହାରୁ ଆସି କାମ କରିବେ, ତେବେ ଓଡ଼ିଶାର ଲୋକ କୁଆଡ଼େ ଯିବେ? ରାଜ୍ୟର ବିକାଶ ପାଇଁ ଅନେକ କାମ ଚାଲିଛି ହେଲେ ସବୁକିଛି ବାହାରୁ ଆସୁଛି । ବାହାର ଲୋକଙ୍କୁ ସବୁ କାମ ଦିଆଯାଉଛି। ଓଡ଼ିଶାରେ ଓଡ଼ିଆ ଲୋକଙ୍କୁ କାମ ନମିଳିବା କାରଣରୁ ଓଡ଼ିଶାର ଲୋକ ଦାଦନ ଖଟିବାକୁ ବାହାର ରାଜ୍ୟକୁ ଯାଉଛନ୍ତି ବୋଲି ବିଜୟ କହିଛନ୍ତି । ଅନ୍ୟପଟେ ମନ୍ତ୍ରୀ ନବ ଦାସଙ୍କୁ କାହିଁକି ହତ୍ୟାକଲା ଗୋପାଳ । ଏନେଇ ସବୁ କିଛି କହିଛି ବୋଲି ସୂଚନା ଦେଇଛନ୍ତି କ୍ରାଇମବ୍ରାଞ୍ଚର ଜଣେ ବରିଷ୍ଠ ଅଧିକାରୀ । ନବ ଦାସଙ୍କୁ କାହିଁକି ମାରିଲା କହିଲା ଗୋପାଳ । ନାର୍କୋ ଟେଷ୍ଟରେ ଅଭିଯୁକ୍ତ ଗୋପାଳ ସବୁ ମାନିଥିବା ସୂଚନା ମିଳିଛି । କେମିତି ଓ କାହିଁକି ମାରିଛି ସବୁ ନାର୍କୋ ଟେଷ୍ଟରେ ସେ କହିଛି । ଗୋପାଳ ସବୁ କହିଥିବା କ୍ରାଇମବ୍ରାଞ୍ଚ ବରିଷ୍ଠ ଅଧିକାରୀ ସୂଚନା ଦେଇଛନ୍ତି । ତା'ର ମାନସିକ ସ୍ଥିତି କଣ ଥିଲା ତାହା ମଧ୍ୟ ମାନିଥିବା ଜଣାପଡିଛି । ଏଇ ସପ୍ତାହରେ ନାର୍କୋ ଟେଷ୍ଟ ରିପୋର୍ଟ ଆସିବ ବୋଲି କ୍ରାଇମବ୍ରାଞ୍ଚ କହିଛି ।
