ଅସୁସ୍ଥ ପତ୍ନୀଙ୍କୁ ଭେଟିବାକୁ ମନୀଷ ସିସୋଦିଆଙ୍କୁ ଅନୁମତି
ଦିଲ୍ଲୀ ମଦ ଦୁର୍ନୀତି ସହ ଜଡିତ ମନି ଲଣ୍ଡରିଂ ମାମଲାରେ ହାଇକୋର୍ଟ ଆମ୍ ଆଦମୀ ପାର୍ଟି (ଏଏପି) ନେତା ତଥା ପୂର୍ବତନ ଡେପୁଟି ସିଏମ୍ ମନୀଷ ସିସୋଦିଆଙ୍କୁ ଶୁକ୍ରବାର ଆରାମ ଦେଇଛନ୍ତି।
ONM_News
ଦିଲ୍ଲୀ ମଦ ଦୁର୍ନୀତି ସହ ଜଡିତ ମନି ଲଣ୍ଡରିଂ ମାମଲାରେ ହାଇକୋର୍ଟ ଆମ୍ ଆଦମୀ ପାର୍ଟି (ଏଏପି) ନେତା ତଥା ପୂର୍ବତନ ଡେପୁଟି ସିଏମ୍ ମନୀଷ ସିସୋଦିଆଙ୍କୁ ଶୁକ୍ରବାର ଆରାମ ଦେଇଛନ୍ତି। କୋର୍ଟ ସିସୋଦିଆଙ୍କୁ ଜୁନ୍ ୩ ଶୁକ୍ରବାର ସକାଳ ୧୦ଟାରୁ ସନ୍ଧ୍ୟା ୫ଟା ପର୍ଯ୍ୟନ୍ତ ଅନ୍ତରୀଣ ଜାମିନ୍ ଦେଇଛନ୍ତି।
ସିସୋଦିଆଙ୍କୁ ସ୍ୱଳ୍ପ ଘଣ୍ଟା ପାଇଁ ଆରାମ ପ୍ରଦାନ କରି କୋର୍ଟ କହିଛନ୍ତି ଯେ ସେ ଏହି ସମୟରେ ତାଙ୍କ ପତ୍ନୀଙ୍କୁ ଭେଟି ପାରିବେ। ଏହା ସହିତ କୋର୍ଟ ମଧ୍ୟବର୍ତ୍ତୀକାଳୀନ ଜାମିନ୍ ଆବେଦନ ଉପରେ ନିଷ୍ପତ୍ତି ସଂରକ୍ଷିତ ରଖିଥିଲେ।
ହାଇକୋର୍ଟ ଏକ ସର୍ତ୍ତରେ କହିଛନ୍ତି ଯେ ମନୀଷ ସିସୋଦିଆ ଏହି ସମୟ ମଧ୍ୟରେ ଗଣମାଧ୍ୟମ ସହ କଥାବାର୍ତ୍ତା କରିବେ ନାହିଁ। ତାଙ୍କୁ କେବଳ ତାଙ୍କ ପରିବାର ସହିତ କଥା ହେବାକୁ ଅନୁମତି ମିଳିଛି। ଏହା ବ୍ୟତୀତ ସେ ମୋବାଇଲ୍ ଏବଂ ଇଣ୍ଟରନେଟ୍ ବ୍ୟବହାର କରିପାରିବେ ନାହିଁ ବୋଲି କୋର୍ଟ କହିଛନ୍ତି।
ପତ୍ନୀଙ୍କ ଡାକ୍ତରୀ ରିପୋର୍ଟ ଶନିବାର ସନ୍ଧ୍ୟା ସୁଦ୍ଧା ଦାଖଲ କରିବାକୁ ଏବଂ ପତ୍ନୀଙ୍କୁ ପୋଲିସ ହେପାଜତରେ ଭେଟିବାକୁ କୋର୍ଟ ସିସୋଦିଆଙ୍କୁ କହିଛନ୍ତି। କହି ରଖୁଛୁ ଯେ ସିସୋଦିଆ ପତ୍ନୀଙ୍କ ଅସୁସ୍ଥତା ଦର୍ଶାଇ ୬ ସପ୍ତାହର ଅନ୍ତରୀଣ ଜାମିନ ଆବେଦନ କରିଥିଲେ।
