ହୁଗୁଳିରୁ ଲଢିବେ ଓଡ଼ିଆ ଅଭିନେତ୍ରୀ ରଚନା ବାନାର୍ଜୀ
ହୁଗୁଳିରୁ ଲଢିବେ ଓଡ଼ିଆ ଅଭିନେତ୍ରୀ ରଚନା ବାନାର୍ଜୀ
ONM_News
ପଶ୍ଚିମବଙ୍ଗର ମୁଖ୍ୟମନ୍ତ୍ରୀ ମମତା ବାନାର୍ଜୀ ରାଜ୍ୟର ସମସ୍ତ ୪୨ ଟି ଆସନ ପାଇଁ ପ୍ରାର୍ଥୀ ଘୋଷଣା କରିଛନ୍ତି। କ୍ରିକେଟର ୟୁସୁଫ ପଠାନ ବହରାମପୁର ନିର୍ବାଚନମଣ୍ଡଳୀରୁ ଟିକେଟ ପାଇଛନ୍ତି ଏବଂ ସେ କଂଗ୍ରେସର ଅଧୀର ରଂଜନ ଚୌଧୁରୀଙ୍କୁ ସାମ୍ନା କରିବେ। ମହୁଆ ମୈତ୍ର କୃଷ୍ଣାନଗରରୁ ନିର୍ବାଚନ ଲଢିବାକୁ ଯାଉଛନ୍ତି।
ବର୍ତ୍ତମାନ ସାଂସଦ ତଥା ବଲିଉଡ ଭେଟେରାନ ଅଭିନେତା ଶତ୍ରୁଘ୍ନ ସିହ୍ନା ପୁଣି ଆସାନସୋଲ ଆସନରୁ ପ୍ରତିଦ୍ୱନ୍ଦ୍ୱିତା କରିବେ।
ତେବେ ଓଲିଉଡ଼ ଓ ବଲିଉଡ ଅଭିନେତ୍ରୀ ରଚନା ବାନାର୍ଜୀଙ୍କୁ ଏଥର ପ୍ରାର୍ଥୀ କରିଛି ଦଳ । ସେ ହୁଗୁଳି ଆସନରୁ ନିର୍ବାଚନ ଲଢିବେ । ତେବେ ଓଡ଼ିଶା ସିନେ ଜଗତରେ ତାଙ୍କର ସ୍ବତନ୍ତ୍ର ସ୍ଥାନ ରହିଛି । ଏହାସହ ବଙ୍ଗଳା ଓ ବଲିଉଡରେ ମଧ୍ୟ ବେଶ୍ ଭଲ ଜଲଓ୍ବା ଦେଖାଇସାରିଛନ୍ତି ରଚନା । ତେଣୁ ତାଙ୍କୁ ଏଥର ନିର୍ବାଚନ ମୈଦାନରୁ ଓହ୍ଲାଇବାକୁ ଯୋଜନା କରିଛି ଦଳ ।
ଏହା ବ୍ୟତୀତ ପୂର୍ବତନ କ୍ରିକେଟର କିର୍ତ୍ତୀ ଆଜାଦ ବର୍ଦ୍ଦମାନ-ଦୁର୍ଗାପୁର ଆସନରୁ ପ୍ରତିଦ୍ୱନ୍ଦ୍ୱିତା କରିବେ। ଗତ ନିର୍ବାଚନରେ ଏହି ଆସନକୁ ବିଜେପିର ଅହଲୁୱାଲିଆ ଜିତିଥିଲେ। ବର୍ତ୍ତମାନର ସାଂସଦ ନୁସରତ ଜାହାନଙ୍କ ଟିକେଟ ବାତିଲ ହୋଇଥିବାରୁ ହାଜି ନୁରୁଲ ଇସଲାମ ବଶିରହାଟ ଆସନରୁ ପ୍ରତିଦ୍ୱନ୍ଦ୍ୱିତା କରିବେ। ଜଗଦୀଶ ଚନ୍ଦ୍ର ବର୍ମା ବସୁନିଆ କୁଚବିହାରରୁ ପ୍ରତିଦ୍ୱନ୍ଦ୍ୱିତା କରିବେ। ଯୁବ ନେତା ତଥା ମୁଖପାତ୍ର ଦେବାଂଶୁ ଭଟ୍ଟାଚାର୍ଯ୍ୟ ତମୁଲକରୁ ପ୍ରତିଦ୍ୱନ୍ଦ୍ୱିତା କରିବେ। ଦଳର ଯୁବ କଂଗ୍ରେସ ସଭାପତି ସୟାନୀ ଘୋଷ ଯାଦବପୁରରୁ ନିର୍ବାଚନ ଲଢିବେ।
