ଜନ୍ମିତ ଶିଶୁ ବିକ୍ରୀ ମାମଲା ବାପା ସହ ଅନ୍ୟ ଜଣେ ଦଲାଲ କୋର୍ଟ ଚାଲାଣ, ମିଳୁନି ବିକ୍ରୀ ଶିଶୁ
ଜନ୍ମିତ ଶିଶୁ ବିକ୍ରୀ ମାମଲା ବାପା ସହ ଅନ୍ୟ ଜଣେ ଦଲାଲ କୋର୍ଟ ଚାଲାଣ, ମିଳୁନି ବିକ୍ରୀ ଶିଶୁ
ONM_News
ଦାଦନ ପ୍ରବଣ ବଲାଙ୍ଗୀର ଜିଲ୍ଲା ରୁ ଆର୍ଥିକ ସ୍ଥିତି ଠିକ୍ ନ ଥିବା ସୁଯୋଗ ନେଇ ସାଧାରଣ ଲୋକଙ୍କ ନିକଟରୁ ନାବାଳିକା ତଥା ଯୁବତୀ ଙ୍କୁ ଟଙ୍କା ଦେଇ ବିବାହ ଆଳରେ ନେଇ ଯାଉଥିବା ସହ ଜନ୍ମିତ ଶିଶୁ କୁ ବିକ୍ରୀ କରି ଦେବା ଓ ପରେ କିଛି ଖୋଜ,ଖବର ମିଳୁ ଥିବା ଘଟଣା ବୃଦ୍ଧି ପାଉଛି।
ସେହିପରି ଜିଲ୍ଲା ର ଟିଟିଲାଗଡ ୧୨ ନମ୍ବର ୱାର୍ଡ ର ପୁଷ୍ପା ପଟେଲ ଓ ସ୍ବାମୀ ସନ୍ତୋଷ ପଟେଲ ଙ୍କ ନିକଟରୁ ଏକ ଜନ୍ମିତ ଶିଶୁ ପୁତ୍ର କୁ ଦୁଇ ଲକ୍ଷ ପଚାଶ ହଜାର ଟଙ୍କା ରେ ବିକ୍ରୀ ଘଟଣା ନଜର କୁ ଆସିଥିବା ବେଳେ ଏ ନେଇ ଖବର ପ୍ରସାରିତ ହୋଇଥିଲା । ଖବର ପ୍ରକାଶ ପାଇବା ସହ ଜିଲ୍ଲା ଜନସେବା ସିବିଓ ତରଫରୁ ଗତ ତା୩୧-୦୭-୨୩ ରିଖ ଦିନ ଜିଲ୍ଲା ଆରକ୍ଷୀ ଅଧିକାରୀ ଙ୍କ ନିକଟରେ ଲିଖିତ ଅଭିଯୋଗ କରାଯାଇଥିଲା ।
ଅଭିଯୋଗ କୁ ଭିତ୍ତିକରି ତୁରନ୍ତ ଟିଟିଲାଗଡ ଅତିରିକ୍ତ ଆରକ୍ଷୀ ଅଧିକାରୀ ଅଙ୍କିତା କୁମ୍ଭାର ଙ୍କୁ ଘଟଣା ର ସବିଶେଷ ତଦନ୍ତ ନିର୍ଦ୍ଦେଶ ଦେଇଥିଲେ। ଏ ନେଇ ପୋଲିସ୍ ପ୍ରଶାସନ ପକ୍ଷରୁ ତୁରନ୍ତ ଶିଶୁବିକ୍ରୀ କରିଥିବା ସନ୍ତୋଷ ପଟେଲ କୁ ଗିରଫ କରି ତଦନ୍ତ ଆରମ୍ଭ କରିଥିବା ବେଳେ ଅନ୍ୟ ଜଣେ ମହମ୍ମଦ ରସିଦ ନାମକ ଉକ୍ତ ଅଞ୍ଚଳ ର ଜଣେ ଯୁବକ କୁ ଗିରଫ କରି ଆଜି କୋର୍ଟ ଚାଲାଣ କରାଯାଇଛି । ହେଲେ ବର୍ତ୍ତମାନ୍ ସୁଦ୍ଧା ବେସ ହଟ, ଚମଟ ସୃଷ୍ଟି ହୋଇ ଥିବା ଏହି ଜନ୍ମିତ ଶିଶୁ ବିକ୍ରି ମାମଲା ନେଇ ଉକ୍ତ ମୁଖ୍ୟ ଦଲାଲ ତଥା ଶିଶୁ କିଣିଥିବା ଲୋକେ ତଥା ଶିଶୁ ର କୌଣସି ଖୋଜ,ଖବର ପୋଲିସ ପାଇ ନ ଥିବା ଜଣାଯାଇଛି । କେବଳ ଏକ ମାମଲା ରୁଜ୍ଜୁ କରି ଦୁଇ ଜଣ ଙ୍କୁ କୋର୍ଟ ଚାଲାଣ କରିଦେଇ ଘଟଣା ଚପେଇ ଦିଆ ନ ଯାଉ ବୋଲି ବିଭିନ୍ନ ମହଲ ରେ ଦାବି ହେଉଛି ।
