ପୁଣି ବଢ଼ିଲା ହରଡ ଡାଲି ଦର
କିଲୋ ପିଛା ୧୫୨ ଟଙ୍କାରେ ବିକ୍ରି ହେଉଥିବା ହରଡ ଡାଲି ଏବେ ୧୭୦ ଟଙ୍କା ଛୁଇଁଛି
ONM_News
5610
ପୁଣି ବଢ଼ିଲା ହରଡ ଡାଲି ଦର । କିଲୋ ପିଛା ୧୫୨ ଟଙ୍କାରେ ବିକ୍ରି ହେଉଥିବା ହରଡ ଡାଲି ଏବେ ୧୭୦ ଟଙ୍କା ଛୁଇଁଛି । ୨୫ କିଲୋ ଡାଲି ପ୍ୟାକେଟର ପାଇକାରୀ ଦର ୮୦୦ ଟଙ୍କା ବଢ଼ିଛି । ଆଗକୁ ଡାଲି କିଲୋ ପିଛା ୨୦୦ ଟଙ୍କା ଛୁଇଁପାରେ ବୋଲି ଆଶଙ୍କା କରିଛି ରାଜ୍ୟ ବ୍ୟବସାୟୀ ସଂଘ । କର୍ପୋରେଟ ସଂସ୍ଥାଗୁଡିକ କୃତ୍ରିମ ଅଭାବ ସୃଷ୍ଟି କରିବା ଯୋଗୁ ଡାଲି ଦର ବଢ଼ୁଛି ବୋଲି ସଂଘ କହିଛି ।
ଏପଟେ ଡାଲି ମହଜୁଦ କରିବା ଉପରେ କାର୍ୟ୍ୟାନୁଷ୍ଠାନ ହେବ ବୋଲି ସତର୍କ କରାଇଛନ୍ତି ରାଜ୍ୟ ସରକାର । ଅମଳ ଏବଂ ଆମଦାନି ସତ୍ୱେ ଡାଲି ଦର ଉପରେ ନିୟନ୍ତ୍ରଣ ନାହିଁ । ଚଳିତ ବର୍ଷ ପରିବା ସହ ଅନ୍ୟ ସାମଗ୍ରୀ ଦର ବୃଦ୍ଧି ଖାଉଟିଙ୍କ ପାଇଁ ଚିନ୍ତାର କାରଣ ହୋଇଛି । ସରକାର ଦରଦାମ ନିୟନ୍ତ୍ରଣ କରିବା ଦିଗରେ ସେଭଳି ଆଖିଦୃଶିଆ ପଦକ୍ଷେପ ଗ୍ରହଣ କରୁ ନ ଥିବା ସଂଘ ପକ୍ଷରୁ କୁହାଯାଇଛି।
