ମୋଦିଙ୍କ ଘର ଉପରେ ଉଡିଲା ଡ୍ରୋନ୍, ସୁରକ୍ଷା ବ୍ୟବସ୍ଥା କଡ଼ାକଡି
ପ୍ରଧାନମନ୍ତ୍ରୀ ମୋଦିଙ୍କ ନୂଆଦିଲ୍ଲୀ ବାସଭବନ ଉପରେ ଉଡିଲା ଡ୍ରୋନ । ସୁରକ୍ଷା ବ୍ୟବସ୍ଥା କଡ଼ାକଡି ଥିବା ସତ୍ତ୍ୱେ କିଭଳି ନୋ ଫ୍ଲାଇଂ ଜୋନକୁ ଆସିଲା ଡ୍ରୋନ ତାହାକୁ ନେଇ ପ୍ରଶ୍ନବାଚୀ ସୃଷ୍ଟି ହୋଇଛି ।
ONM_News
ନୂଆଦିଲ୍ଲୀ ସ୍ଥିତ ପ୍ରଧାନମନ୍ତ୍ରୀଙ୍କ ଆବାସ ଉପରେ ସନ୍ଦିଗ୍ଧ ଡ୍ରୋନ ଉଡୁଥିବାର ଦେଖିବାକୁ ମିଳିଛି । ଖବର ମିଳିବା ପରେ ଦିଲ୍ଲୀରେ ହଇଚଇ ସୃଷ୍ଟି ହେବା ପରେ ସୁରକ୍ଷା ବ୍ୟବସ୍ଥାକୁ କଡାକଡି କରାଯାଇଛି । ତୁରନ୍ତ ପୋଲିସର ବରିଷ୍ଠ ଅଧିକାରୀ ଘଟଣାସ୍ଥଳରେ ପହଞ୍ଚି ଓ ଡ୍ରୋନକୁ ସନ୍ଧାନ କରିବାରେ ଲାଗି ପଡିଛନ୍ତି ।
ସକାଳ ପ୍ରାୟ ୫ଟା ସମୟରେ ଏସପିଜି (ସ୍ପେସିଆଲ୍ ପ୍ରୋଟେକ୍ସନ ଗ୍ରୁପ୍) ନୂଆଦିଲ୍ଲୀ ପୋଲିସକୁ ଏ ସମ୍ବନ୍ଧରେ ସୂଚନା ଦେବା ପରେ ନୂଆଦିଲ୍ଲୀ କ୍ଷେତ୍ରର ପୋଲିସ ଅଫିସର ଓ ସୁରକ୍ଷା ବଳ ଡ୍ରୋନ୍ ର ସନ୍ଧାନରେ ଲାଗି ପଡିଛନ୍ତି ।
ପ୍ରଧାନମନ୍ତ୍ରୀଙ୍କ ସରକାରୀ ଆବାସ ଦିଲ୍ଲୀର ଲୁଟିୟନ୍ସ ଜୋନର ଲୋକ କଲ୍ୟାଣ ମାର୍ଗ ସ୍ଥିତ ୭ ନମ୍ବର ବଙ୍ଗଳାରେ ରହିଛି । ପ୍ରଧାନମନ୍ତ୍ରୀଙ୍କ ନରେନ୍ଦ୍ର ମୋଦି ୨୦୧୪ରୁ ଏଠାରେ ରହି ଆସୁଛନ୍ତି । ଏଠିକାର ସଂପୂର୍ଣ୍ଣ ଅଞ୍ଚଳ ନୋ ଫ୍ଲାଇଂ ଜୋନ୍ ମଧ୍ୟରେ ଆସିଥାଏ । ତେବେ ଏ ପର୍ଯ୍ୟନ୍ତ କୌଣସି ଡ୍ରୋନକୁ ଠାବ କରାଯାଇପାରି ନାହିଁ । ତେବେ ଏହି ଡ୍ରୋନ୍ କାହାର ଓ କିପରି ପ୍ରଧାନମନ୍ତ୍ରୀଙ୍କ ଘର ଉପରକୁ ଆସିଲା ସେ ସଂପର୍କରେ ପୋଲିସ ଯାଞ୍ଚ କରୁଛି ।
