ଖଟିଆରେ ବୁହା ହେଳେ ଗର୍ଭବତୀ, ରାସ୍ତାରେ କଲେ ପ୍ରସବ
ଜନନୀ ଯନ୍ତ୍ରଣା,,ଫବସିପାଲି କୁ ରାସ୍ତା ନାହିଁ, ଖଟିଆରେ ବୁହା ହେଳେ ଗର୍ଭବତୀ, ରାସ୍ତାରେ କଲେ ପ୍ରସବ
ONM_News
ସୁବର୍ଣ୍ଣପୁର ଜିଲ୍ଲା ବିରମହାରାଜପୁର ବ୍ଲକ ଅନ୍ତର୍ଗତ ବହଲପଦର ଗ୍ରାମ ପଂଚାୟତର ଫବସିପାଲି ଗାଁରେ ଘଟିଛି ଏକ ଅଭାବନୀୟ ଘଟଣା । ଗାଁକୁ ରାସ୍ତା ନଥିବାରୁ ଖଟିଆରେ ବିଲ ହିଡ ଦେଇ ଜଣେ ପ୍ରସୂତି ମହିଳାଙ୍କୁ ଡାକ୍ତଖାନାକୁ ଅଣାଯାଉଥିଲା ।
ତେବେ ପ୍ରସବ ବେଦନା ସହି ନପାରି ବିଲ ହିଡରେ ମହିଳା ଜଣକ ପ୍ରସବ କରିଥିବା ସୁଚନା ମିଳିଛି । ଆଜି ଫବସିପାଲି ଗାଁର ଫିରୋଜ ମିର୍ଦ୍ଧାଙ୍କ ପତ୍ନୀ ଗୋଲାପି ମିର୍ଦ୍ଧାଙ୍କ ପ୍ରସବ ବେଦନା ହୋଇଥିଲା । ପରିବାର ଲୋକ ଡାକ୍ତରଖାନାକୁ ନେବା ପାଇଁ 102 ଆମ୍ବୁଲାନ୍ସକୁ ଫୋନ ଯୋଗେ ଜଣାଇଥିଲେ । ତେବେ ଗାଁକୁ ସବୁଦିନିଆ ରାସ୍ତା ନଥିବାରୁ ଗାଁକୁ ଅମ୍ବୁଲାନ୍ସ ଯାଇ ପାରି ନଥିଲା ।
ଫଳରେ ପରିବାର ଲୋକ ବିଲ ହିଡ ଦେଇ ପ୍ରାୟ ଦୁଇ କିଲୋମିଟର ଦୂର ଏକ ଖଟିଆ ଯୋଗେ ପ୍ରସୂତି ମହିଳାଙ୍କୁ ଆଣୁଥିଲେ । ହେଲେ ଅଧା ବାଟରେ ମହିଳା ଜଣକ ପ୍ରସବ ବେଦନା ବଢିବାରୁ ସେ ବିଲ ହିଡରେ ପ୍ରସବ କରିଥିଲେ ।
ଏହି ଗାଁକୁ ରାସ୍ତା ନଥିବାରୁ ଖରା ବର୍ଷା ଶୀତ ସବୁଦିନ ବିଲ ହିଡ ଦେଇ ଯାତାୟତ କରନ୍ତି ଗ୍ରାମବାସୀ । ଏନେଇ ବିଭିୁନ୍ନ ସମୟରେ ନେତା ମନ୍ତ୍ରୀଠୁ ଆରମ୍ଭ କରି ପ୍ରଶାସନକୁ ଜଣାଇଥିଲେ ହେଁ ରାସ୍ତା ଖଣ୍ଡେ ହୋଇ ପାରୁ ନାହିଁ । ଏ ନେଇ ପୁର୍ବରୁ ବିଭିନ୍ନ ଗଣମାଧ୍ୟମରେ ଖବର ପ୍ରକାଶନ ପରେ ମଧ୍ୟ ଫଳ ଶୁନ୍ୟ ହୋଇଥିଲା ।
ଅବଶ୍ୟ ଗଣମାଧ୍ୟମରେ ଖବର ପ୍ରକାଶ ପରେ ବ୍ଲକ ପ୍ରସାଶନ ତତ୍ପରତା ପ୍ରକାଶ କରି ରାସ୍ତା ପାଇଁ ଚେଷ୍ଟା କରିଥିବା ସୁଚନା ମିଳିଛି । ଏହି ଉପାନ୍ତ ବହଳପଦର ପଂଚାୟତ ର ଏହି ଫବସିପାଲି କୁ ରାସ୍ତା ନ ଥିବା ଫଳରେ ଆଜି ଏଭଳି ଏକ ଅଭାବନୀୟ ଘଟଣା ଘଟିଥିବା ଚର୍ଚ୍ଚା ହେଉଛି ।
ରିପୋର୍ଟ, ଉଗ୍ରସେନ କର୍ମୀ, ସୁବର୍ଣ୍ଣପୁର
