ତାତିରେ ଲାଗିପାରେ ବ୍ରେକ୍
ଜଳୁଛି ରାଜ୍ୟ, ଉପାନ୍ତରୁ ଉପକୂଳ କଲବଲ କଲା ତାତି
ONM_News
ଜଳୁଛି ରାଜ୍ୟ, ଉପାନ୍ତରୁ ଉପକୂଳ କଲବଲ କଲା ତାତି । ୧୯ ଜିଲ୍ଲାକୁ ଅରେଞ୍ଜ ଓ୍ୱାର୍ଣ୍ଣିଂ, ୬ ଜିଲ୍ଲାକୁ ସିଭିୟର ହିଟ୍ ଓ୍ୱେଭ ଆଲର୍ଟ ଜାରି ହୋଇଛି । ପ୍ରଚଣ୍ଡ ଗ୍ରୀଷ୍ମ ପ୍ରବାହ ସହ ଅସହ୍ୟ ତାତିରେ ଆଉଟୁପାଉଟୁ ହେଉଛନ୍ତି ରାଜ୍ୟବାସୀ । ସକାଳ ୮ଟା ପରେ ଘରକୁ ବାହାରିବା କଷ୍ଟକର ହୋଇପଡ଼ୁଛି ।
ଏହି ସମୟରେ ଆଶ୍ୱସ୍ତି କର ସୂଚନା ଦେଇଛନ୍ତି ପାଣିପାଗ ବିଜ୍ଞାନୀ ଉମାଶଙ୍କର ଦାଶ ।
ସେହିପରି ୨୧ ଓ ୨୨ ତାରିଖରେ ଉପକୂଳ ଓ ଉତ୍ତର ଓଡ଼ିଶାରେ କାଳବୈଶାଖୀ ସହ ବର୍ଷା ଓ ପବନ ହେବାର ସମ୍ଭାବନା ରହିଛି। ଯାହାର ଫଳରେ ଦିନ ତାପମାତ୍ରା ୨ରୁ ୩ଡିଗ୍ରୀ ଖସିବାର ପୂର୍ବାନୁମାନ କରାଯାଇଛି। ଆଜି ଦିନ ୧୧.୩୦ ସୁଦ୍ଧା ରାଜ୍ୟର ବିଭିନ୍ନ ସ୍ଥାନର ତାପମାତ୍ରା ରେକର୍ଡ ହୋଇଛି । ତେବେ ୪୧.୨ ଡିଗ୍ରୀ ସହ ସବୁଠୁ ଉତ୍ତପ୍ତ ସହର ପାଲଟିଛିା ଝାରସୁଗୁଡା ।
ସେହିଭଳି ଭୁବନେଶ୍ୱରର ତାପମାତ୍ରା ୩୯.୮°C, କେନ୍ଦୁଝରର ତାପମାତ୍ରା ୩୯.୮°C ରାଉରକେଲାର ତାପମାତ୍ରା ୩୯.୬°C ଚାନ୍ଦବାଲିର ତାପମାତ୍ରା ୩୯°C, ସମ୍ବଲପୁରର ତାପମାତ୍ରା ୩୮.୯°C ବାଲେଶ୍ୱରର ତାପମାତ୍ରା ୩୮.୬°C, ହୀରାକୁଦର ତାପମାତ୍ରା ୩୮.୨°C, ପୁରୀର ତାପମାତ୍ରା ୩୪°C, ଗୋପାଳପୁରର ତାପମାତ୍ରା ୩୩.୬°C, ପାରାଦୀପର ତାପମାତ୍ରା ୩୩.୫°C ରେକର୍ଡ ହୋଇଛି ।
