ରାଘବ ଚଢ଼ା ରାଜ୍ୟସଭାରେ ଆପର ନେତା ନିଯୁକ୍ତ
ONM_News
5352
ଆମ୍ ଆଦମୀ ପାର୍ଟି (ଆପ୍) ସଞ୍ଜୟ ସିଂହଙ୍କ ସ୍ଥାନରେ ଏହାର ସାଂସଦ ରାଘବ ଚଢ଼ାଙ୍କୁ ରାଜ୍ୟସଭାରେ ଦଳର ନେତା ଭାବେ ନିଯୁକ୍ତ କରିଛି।
ରାଜ୍ୟସଭା ଅଧ୍ୟକ୍ଷଙ୍କୁ ଲେଖିଥିବା ଏକ ପତ୍ରରେ, ଆପ୍ ଦଳର ନେତୃତ୍ୱ କହିଛନ୍ତି, ‘ସ୍ୱାସ୍ଥ୍ୟ ସମ୍ବନ୍ଧୀୟ ସମସ୍ୟା’ ଥିବା ସ ସଞ୍ଜୟ ସିଂହଙ୍କ ଅନୁପସ୍ଥିତିରେ ରାଘବ ଚଢ଼ା ଏଣିକି ଉପର ସଦନରେ ଦଳର ନେତା ହେବେ।
ଆପ୍ ର ରାଜ୍ୟସଭା ସଦସ୍ୟ ସଞ୍ଜୟ ସିଂହ ସମ୍ପ୍ରତି ଦିଲ୍ଲୀ ମଦ ନୀତି ମାମଲାରେ ଜେଲରେ ଅଛନ୍ତି।
ରାଘବ ଚଢ଼ା ରାଜ୍ୟସଭାର କନିଷ୍ଠ ସଦସ୍ୟମାନଙ୍କ ମଧ୍ୟରୁ ଅନ୍ୟତମ । ବର୍ତ୍ତମାନ ରାଜ୍ୟସଭାରେ ଦଳର ମୋଟ ୧୦ ଜଣ ସଦସ୍ୟ ଅଛନ୍ତି। ଭାରତୀୟ ଜନତା ପାର୍ଟି (ବିଜେପି), କଂଗ୍ରେସ ଏବଂ ତୃଣମୂଳ କଂଗ୍ରେସ (ଟିଏମସି) ପରେ ସଦସ୍ୟଙ୍କ ସଂଖ୍ୟା ଦୃଷ୍ଟିରୁ ଆପ୍ ରାଜ୍ୟସଭାରେ ଚତୁର୍ଥ ବୃହତ୍ତମ ଦଳ।
