ଦୁଷ୍କର୍ମ ଅଭିଯୋଗରେ ଏଏସ୍ଆଇ ଓ ହୋମଗାର୍ଡ ଗିରଫ
ଦୁଷ୍କର୍ମ ଅଭିଯୋଗରେ ଗିରଫ ହୋଇଛନ୍ତି ମୟୂରଭଞ୍ଜ ଜିଲ୍ଲା ଜାମଦା ଥାନାର ଏଏସ୍ଆଇ ଆନନ୍ଦ ମାଝୀ ଓ ହୋମ୍ଗାର୍ଡ ଦେବାନନ୍ଦ ପାତ୍ର
ONM_News
ଦୁଷ୍କର୍ମ ଅଭିଯୋଗରେ ଗିରଫ ହୋଇଛନ୍ତି ମୟୂରଭଞ୍ଜ ଜିଲ୍ଲା ଜାମଦା ଥାନାର ଏଏସ୍ଆଇ ଆନନ୍ଦ ମାଝୀ ଓ ହୋମ୍ଗାର୍ଡ ଦେବାନନ୍ଦ ପାତ୍ର। ଉଭୟଙ୍କୁ କୋର୍ଟ ଚାଲାଣ କରାଯାଇଛି।
ହୋମ୍ଗାର୍ଡଙ୍କ ନାଁରେ ଦୁଷ୍କର୍ମ ଅଭିଯୋଗ ଆଣିଛନ୍ତି ଝାଡ଼ଖଣ୍ଡର ଲାଗଡ଼ା ଥାନା ଅଞ୍ଚଳର ରୁନି (ଛଦ୍ମନାମ)। ରୁନିଙ୍କ ମା’ଙ୍କୁ ଜ୍ୱର ହେଉଥିଲା। ସେହି ସମୟରେ (ଗତ ୧୦ ତାରିଖରେ) ରୁନିଙ୍କ ମାମୁ ହୋମଗାର୍ଡ ଦେବାନନ୍ଦ ପାତ୍ରଙ୍କ ସଂସ୍ପର୍ଶରେ ଆସିଥିଲେ। ଝଡ଼ାଫୁଙ୍କା କରି ସେ ଜ୍ୱର ଭଲ କରି ଦେବେ ବୋଲି କହିଥିଲେ। ତେବେ ସେଥିପାଇଁ ୧୪ ବର୍ଷର ଏକ କୁଆଁରୀ ଝିଅକୁ ତାଙ୍କ ପାଖକୁ ଆଣିବାକୁ ପଡ଼ିବ ବୋଲି ସେ ରୁନିଙ୍କ ମାମୁଙ୍କୁ କହିଥିଲେ। ସେଥିପାଇଁ ଗତ ୧୪ ତାରିଖ ଦିନ ହୋମଗାର୍ଡ ଦେବାନନ୍ଦ ପାତ୍ରଙ୍କ ପାଖକୁ ରୁନିଙ୍କୁ ନେଇ ଯାଇଥିଲେ ତାଙ୍କ ମାମୁ। ସେହିଦିନ ପୂଜାର୍ଚ୍ଚନା ପରେ ରାତିରେ ଦୀପ ଜାଳି ରୁନିଙ୍କୁ ଏକା ବସିବାକୁ କହିଥିଲେ ଦେବାନନ୍ଦ। ଆଉ ସେହି ରାତିରେ ସେ ରୁନିଙ୍କୁ ଦୁଷ୍କର୍ମ କରିଥିଲେ। କାହାକୁ ଏ କଥା କହିଲେ ମାରି ଦେବାକୁ ସେ ଧମକ ଦେଇଥିଲେ।
ଦୁଇ ଦିନ ପରେ ଅର୍ଥାତ୍ ଗତକାଲି ରୁନି ଦୁଷ୍କର୍ମ ସମ୍ପର୍କରେ ତାଙ୍କ ଘରେ କହିଥିଲେ। ଏହା ପରେ ତାଙ୍କ ମାମୁ ଥାନାର ଦ୍ୱାରସ୍ଥ ହୋଇଥିଲେ। ଆଜି ପୁଲିସ୍ ହୋମଗାର୍ଡ ଦେବାନନ୍ଦ ପାତ୍ରଙ୍କୁ ଗିରଫ କରି କୋର୍ଟ ଚାଲାଣ କରିଛି।
