ଶେଷରେ ଚାଲିଲା ଟ୍ରେନ, ୫୧ ଘଣ୍ଟା ପରେ ଲାଇନ ହେଲା ସଫା
ଶେଷରେ ଦୁର୍ଘଟଣା ଘଟିଥିବା ଲାଇନ ଉପରେ ଚାଲିଲା ଟ୍ରେନ।
Onm
ଭୁବନେଶ୍ବର: ଶେଷରେ ଦୁର୍ଘଟଣା ଘଟିଥିବା ଲାଇନ ଉପରେ ଚାଲିଲା ଟ୍ରେନ। ଆଜି ରାତିରେ ବାଲେଶ୍ବର ବାହାନଗା ରେଳ ଧାରଣାରେ ଏକ ମାଲବାହୀ ଟ୍ରେନ ଗଡିଛି। କୋଇଲା ବୋଝେଇ ଏହି ଟ୍ରେନଟି ଭାଇଜାଗରୁ ରାଉରକେଲା ଗଲା। ରେଳ ଧାରଣା ନିକଟରେ ଖୋଦ ମନ୍ତ୍ରୀ ଅଶ୍ବନୀ ବୈଷ୍ଣବ ହାତ ହଲାଇ ଟ୍ରେନକୁ ସ୍ବାଗତ କରିଥିଲେ। ଦୁର୍ଘଟଣା ଘଟିବାର ପ୍ରାୟ ୫୧ ଘଣ୍ଟା ପରେ ରାସ୍ତା ସଫା ହୋଇପାରିଛି।
ଗତ ଶୁକ୍ରବାର ରାତିରେ ବାଲେଶ୍ବର ଷ୍ଟେସନ ନିକଟସ୍ଥ ବାହାନଗାରେ କରମଣ୍ଡଳ ଏକ୍ସପ୍ରେସ ଦୁର୍ଘଟଣା ଗସ୍ତ ହୋଇଥିଲା। ଏଥିରେ ୨୭୫ ଜଣ ଯାତ୍ରୀଙ୍କୁ ମୃତ୍ୟୁ ହୋଇଛି। ଏହି ଦୁର୍ଘଟଣା ପରେ ୨୧ଟି ବଗି ରେଳ ଧାରଣା ଉପରେ ବିକ୍ଷିପ୍ତ ହୋଇ ପଡିରହି ଥିଲା। ତାହାକୁ ରେଳ କର୍ମଚାରୀମାନେ ଦିନ ରାତି କାମ କରି ଶେଷରେ ରେଳଧାରଣ ସଫା କରିବାରେ ସକ୍ଷମ ହୋଇଛନ୍ତି।
ବାଲେଶ୍ଵର: ବାହାନଗାରେ ଘଟିଥିବା ଭୟଙ୍କର ଟ୍ରେନ ଦୁର୍ଘଟଣା ପରେ ଶେଷରେ ଦୁର୍ଘଟଣାସ୍ଥଳରୁ ଗଡ଼ିଲା ମାଲବାହୀ ଟ୍ରେନ। ଶୁକ୍ରବାର ଦୁର୍ଘଟଣା ପରେ ଉକ୍ତ ରୁଟରେ ଟ୍ରେନ ଚଳାଚଳ ସଂପୂର୍ଣ୍ଣ ବନ୍ଦ ରହିଥିଲା। ତେବେ ରେଳ ମନ୍ତ୍ରୀ, ରେଲଓ୍ଵେ ଅଧିକାରୀ ଏବଂ କର୍ମଚାରୀଙ୍କ ଦୀର୍ଘ ୫୧ ଘଣ୍ଟାର ଅକ୍ଳାନ୍ତ ପରିଶ୍ରମ ପରେ ରବିବାର ସନ୍ଧ୍ୟାରେ ଟ୍ରାକ ଲାଇନ କାମ ଶେଷ ହୋଇଥିଲା। ଏହା ପରେ ବାହାନଗା ଟ୍ରାକରେ ପ୍ରଥମ ଟ୍ରେନ ଗଡ଼ିଛି। ଏହି ସମୟରେ ରେଳ ମନ୍ତ୍ରୀ ଉପସ୍ଥିତ ଥିଲେ ଏବଂ ସେ ହାତ ଯୋଡ଼ି ଭଗବାନଙ୍କୁ ପ୍ରାର୍ଥନା କରୁଥିବା ଦେଖିବାକୁ ମିଳିଛି।
ଦେଶରେ ଘଟିଥିବା ସବୁଠୁ ଭୟାନକ ରେଳ ଦୁର୍ଘଟଣା ମଧ୍ୟରୁ ଏକ କୁହାଯାଉଥିବା ବାହାନଗା ଦୁର୍ଘଟଣାରେ ୨୭୫ ଜଣଙ୍କ ମୃତ୍ୟୁ ଘଟିଥିବା ବେଳେ ୧୧୦୦ରୁ ଅଧିକ ଆହତ ହୋଇଛନ୍ତି। ରେଳ ବିଭାଗର ଦେଢ଼ ହଜାର କର୍ମଚାରୀ ଟ୍ରାକ ନିର୍ମାଣ କାମରେ ନିୟୋଜିତ ଅଛନ୍ତି। ଦୀର୍ଘ ୫୧ ଘଣ୍ଟାର ମରାମତି କାମ ପରେ ଶେଷରେ ଦୁର୍ଘଟଣାଗ୍ରସ୍ତ ଟ୍ରାକରେ ଟ୍ରେନ ଚାଲିଛି। ଅଶ୍ଵିନ ବୈଷ୍ଣବ କହିଛନ୍ତି, ବର୍ତ୍ତମାନ ଟ୍ରେନ ଚଳାଚଳ ଆରମ୍ଭ ହୋଇଛି। ବର୍ତ୍ତମାନ ଏହି ଟ୍ରାକ ଟ୍ରେନ ଚଳାଚଳ ପାଇଁ ଫିଟ୍ ହୋଇଛି।
