ଲୋ-ଭୋଲ୍ଟେଜ୍ ଯୋଗୁଁ ଜନସାଧାରଣ ଅସ୍ତବ୍ୟସ୍ତ
ଲୋ-ଭୋଲ୍ଟେଜ୍ ଯୋଗୁଁ ଦକ୍ଷିଣକାଳୀ ଅଂଚଳ ଅଧ୍ୟାବାସୀମାନେ ଜିଲ୍ଲାପାଳଙ୍କ ଦ୍ୱାରସ୍ଥ
Onm
ଢେଙ୍କାନାଳ, ୧୯/୪: ସ୍ଥାନୀୟ ଜୁବୁଲି ଟାଉନ୍ ଅନ୍ତର୍ଗତ ସନ୍ ହସ୍ପିଟାଲ୍ର ପାର୍ଶ୍ଵବର୍ତୀ ଅଧିବାସୀମାନେ ଲୋ-ଭୋଲ୍ଟେଜ୍ ଯୋଗୁଁ ଅସୁବିଧାର ସମ୍ମୁଖୀନ ହେଉଛନ୍ତି । ଏହି ବାବାଦରେ ସଂପୃକ୍ତ କନିଷ୍ଠ ଯନ୍ତ୍ରୀ ଯଜାତି କେଶରୀ ଦାସଙ୍କୁ ଭେଟି ଲୋଭୋଲ୍ଟେଜ୍ ସଂପର୍କରେ ଅବଗତ କରାଇଥିଲେ । ଏହାକୁ ନେଇ ସେ ନୂତନ ଟ୍ରାନ୍ସଫର୍ମର ବସାଇବା ପାଇଁ ପ୍ରତିଶ୍ରୁତି ଦେଇଛନ୍ତି । ଏହାର ସମାଧାନ ନହେଲେ ଆଗାମୀ ଦିନରେ ଆନ୍ଦୋଳନାତ୍ମକ ପନ୍ଥା ଗ୍ରହଣ କରିବେ ବୋଲି ସାହିବାସୀନ୍ଦା କହିଛନ୍ତି । ସାହିର ଗୋବିନ୍ଦ ଶତପଥୀ, ପଦ୍ମନାଭ ଲେଙ୍କା, ରବିନାରାୟଣ ଦାସ, ସଚ୍ଚିକାନ୍ତ ବିଶ୍ବାଳ ଓ ପ୍ରମୋଦ କୁମାର ବେହେରା ପ୍ରମୁଖ ସ୍ଥାନୀୟ କନିଷ୍ଠ ଯନ୍ତ୍ରୀଙ୍କୁ ଭେଟି ସମସ୍ୟାର ସମଧାନ ପାଇଁ ଦାବୀ କରିଛନ୍ତି ।
ଲୋ-ଭୋଲ୍ଟେଜ୍ ଯୋଗୁଁ ଦକ୍ଷିଣକାଳୀ ଅଂଚଳ ଅଧ୍ୟାବାସୀମାନେ ଜିଲ୍ଲାପାଳଙ୍କ ଦ୍ୱାରସ୍ଥ
ଢେଙ୍କାନାଳ, ୧୯/୪: ସ୍ଥାନୀୟ ଦକ୍ଷିଣକାଳୀ ଅଂଚଳର ଅଧିବାସୀମାନେ ଲୋ-ଭୋଲ୍ଟେଜ୍ କାରଣରୁ ଉପଭୋକ୍ତାମାନେ ନାହିଁ ନଥିବା ଅସୁବିଧାର ସମ୍ମୁଖୀନ ହେଉଥିବା କାରଣରୁ ଜିଲ୍ଲାପାଳଙ୍କ ଉଦ୍ଦେଶ୍ୟରେ ଓପିଟିସିଏଲ୍ର ନିର୍ବାହୀ ଯନ୍ତ୍ରୀଙ୍କୁ ସାକ୍ଷାତ କରି ଲିଖିତ ଅଭିଯୋଗ ଜଣାଇଛନ୍ତି। ପ୍ରକାଶ ଯେ, ଦକ୍ଷିଣକାଳୀ ଅଂଚଳର ସେବାଶ୍ରମ ବିଦ୍ୟାଳୟ ନିକଟସ୍ତ ବିଦ୍ୟୁତ୍ ଟ୍ରାନ୍ସଫର୍ମରୁ ସଂଯୋଗ ହୋଇଥିବା ବିଦ୍ୟୁତ୍ ଉପଭୋକ୍ତାମାନେ ଘର ଠାରୁ ବହୁତ ଦୂର ହୋଇଥିବାର ଲୋ-ଭୋଲ୍ଟେଜ୍ କାରଣରୁ ଫ୍ୟାନ ନଘୁରିବା, ପାଣି ପମ୍ପ୍ ନଚାଲିବା ଇତ୍ୟାଦି ସମସ୍ୟାର ସମ୍ମୁଖୀନ ହେଉଛନ୍ତି । ଏହାକୁ ନେଇ ଦକ୍ଷିଣକାଳୀ ବାଲିସାହି ବାସୀନ୍ଦା ନୂତନ ଟ୍ରାନ୍ସଫର୍ମର ବସାଇବା କିମ୍ବା ଆଶ୍ରମ ସ୍କୁଲ୍ ନିକଟରେ ଥିବା ଟ୍ରାନ୍ସଫର୍ମରଟିକୁ ଅଧ୍ଵକ କ୍ଷମତା ବିଶିଷ୍ଟ ଟ୍ରାନ୍ସଫର୍ମର ବସାଇ ଉପଭୋକ୍ତାମାନଙ୍କୁ ବିଦ୍ୟୁତ୍ ସେବା ଯୋଗାଇଦେବା ନେଇ ଜିଲ୍ଲାପାଳଙ୍କ ଉଦ୍ଦେଶ୍ୟରେ ଓପିଟିସିଏଲ୍ ର ନିର୍ବାହୀଯନ୍ତ୍ରୀଙ୍କୁ ଏକ ଲିଖିତ ଦାବୀପତ୍ର ପ୍ରଦାନ କରିଛନ୍ତି । ଏହି ଦାବୀପତ୍ର ବେଳେ ସୁବାଷ ଚନ୍ଦ୍ର ଶତପଥୀ, ରମେଶ ଚନ୍ଦ୍ର ସାମଲ, ପ୍ରସନ୍ନ କୁମାର ରାୟ, ଜୟଶ୍ରୀ ପି. ଶତପଥୀ, ମାନସ ମହାନ୍ତି, ଅଲିଭା ଜ୍ୟୋତି ଦାସ, ଅପରାଜିତା ପାଲ୍, ପ୍ରଦୀପ କୁମାର ରଥ, ରମାକାନ୍ତ ନାୟକ ମନୋଜ କୁମାର ବେହେରା, କୁଳମଣୀ ମାଝୀ ଓ ଅକ୍ଷୟ କୁମାର ହୋତା ପ୍ରମୁଖ ଉପସ୍ଥିତ ଥିଲେ ।
