ଢେଙ୍କାନାଳ ରଥଯାତ୍ରା ପ୍ରସ୍ତୁତି ବୈଠକ
ଢେଙ୍କାନାଳରେ ରଥଯାତ୍ରା ପ୍ରସ୍ତୁତି ବୈଠକ ନେଇ ଜିଲ୍ଲା ପ୍ରଶାସନ ପକ୍ଷରୁ ଏକ ଗୁରୁତ୍ବପୂର୍ଣ୍ଣ ଅନୁଷ୍ଠିତ
Onm
ଢେଙ୍କାନାଳ, ତ. ୨୬.୦୫.୨୦୨୩ ରିଖ - ଢେଙ୍କାନାଳରେ ରଥଯାତ୍ରା ପାଳନ ନିମନ୍ତେ ଜିଲ୍ଲାପାଳ ଶ୍ରୀ ସରୋଜ କୁମାର ସେଠୀଙ୍କ ଅଧ୍ୟକ୍ଷତାରେ ଆଜି ପୂର୍ବାହ୍ନରେ ଜିଲ୍ଲା କାର୍ଯ୍ୟ।ଳୟ ସଦଭାବନା ସଭା ଗୃହରେ ଏକ ପ୍ରସ୍ତୁତି ବୈଠକ ଅନୁଷ୍ଠିତ ହୋଇଯାଇଛି । ପ୍ରସିଦ୍ଧ ଢେଙ୍କାନାଳ ରଥଯାତ୍ରା ଓ ବାହୁଡା ଯାତ୍ରାକୁ ସରସ ସୁନ୍ଦର ଓ ଶୃଙ୍ଖଳିତ କରିବା ପାଇଁ ଜିଲ୍ଲାପାଳ ସମସ୍ତଙ୍କ ସହଯୋଗ କାମନା କରି ଜଗନ୍ନାଥ ମହାପ୍ରଭୁଙ୍କ ଆଶୀର୍ବାଦ ପାଇବା ପାଇଁ ଆଶା ବ୍ୟକ୍ତ କରିଛନ୍ତି ।
ବୈଠକରେ ମାନ୍ୟବର ସାଂସଦ ଶ୍ରୀଯୁକ୍ତ ମହେଶ ସାହୁ, ଜିଲ୍ଲା ପରିଷଦ ଅଧ୍ୟକ୍ଷା ଶ୍ରୀମତୀ ଅର୍ଚ୍ଚନା ପୁହାଣ, ପୌରପାଳିକା ଅଧ୍ୟକ୍ଷା ଶ୍ରୀମତୀ ଜୟନ୍ତୀ ପାତ୍ର, ଯୁବରାଜ ଶ୍ରୀ ଅମରଜ୍ୟୋତି ସିଂଦେଓ ଯୋଗ ଦେଇ ପ୍ରସିଦ୍ଧ ରଥଯାତ୍ରା ଉତ୍ସବ ଯେପରି ଶାନ୍ତି ଶୃଙ୍ଖଳା-ଆନନ୍ଦ ଉଲ୍ଲାସ ଓ ଭାଇଚାରା ମଧ୍ୟରେ ସମ୍ପୂର୍ଣ୍ଣ ହେବ ସେଥ୍ପାଇଁ ସମ୍ପୃକ୍ତ ସରକାରୀ ଓ ବେସରକାରୀ ଅନୁଷ୍ଠାନ ଏବଂ ଜନସାଧାରଣଙ୍କ ସହଯୋଗ କାମନା କରିଛନ୍ତି ।
ବୈଠକ ପ୍ରାରମ୍ଭରେ ଢେଙ୍କାନାଳ ଉପଜିଲ୍ଲାପାଳ ତଥା ନିର୍ବାହୀ ଅଧିକାରୀ, ଦେବୋତ୍ତର, ସୁଶ୍ରୀ ସ୍ନିଗ୍ଧାରାଣୀ ଧଳ ସ୍ବାଗତ ଭାଷଣ ଦେବା ସହ ରଥଯାତ୍ରା ଓ ବାହୁଡା ଯାତ୍ରା ଓ ସୁନାବେଶ ସଂପର୍କରେ ସୂଚନା ପ୍ରଦାନ କରିଥିଲେ । ଦେବୋତ୍ତର ନିର୍ବାହୀ ଅଧିକାରୀ ସୁଶ୍ରୀ ଧଳ ରାଜପୁରୋଧା ଢେଙ୍କାନାଳ ଶ୍ରୀ ପଞ୍ଚାନନ ମିଶ୍ରଙ୍କ ଅନୁମୋଦିତ ସମୟ ନିର୍ଘଣ୍ଟ ପାଠ କରି ଶ୍ରୀ ଜୀଉଙ୍କର ପହଣ୍ଡି, ଛେର। ପହଁରା, ରଥଟଣା ଓ ଅନ୍ୟାନ୍ୟ ନୀତି ସମୟ ନିର୍ଘଣ୍ଟ ଅନୁଯାୟୀ ସମାପନ କରାଯିବ ବୋଲି କହିଛନ୍ତି । ରଥ ନିର୍ମାଣ ଓ ସାଜସଜ୍ଜା ବିଧୂ ମୁତାବକ କରାଯିବ । ରଥ ଟଣା ମୁଖ୍ୟ ରାସ୍ତା ଓ ସଂଲଗ୍ନ ରାସ୍ତାର ମରାମତି କାର୍ଯ୍ୟ ଢେଙ୍କାନାଳ ମ୍ୟୁନିସିପାଲିଟି ଏବଂ ରାସ୍ତା ଓ ଗୃହ ନିର୍ମାଣ ତରଫରୁ କରାଯିବ । ରଥଯାତ୍ରା ଓ ବାହୁଡାଯାତ୍ରା ସମୟରେ ଶାନ୍ତିଶୃଙ୍ଖଳା ରକ୍ଷ, ଟ୍ରାଫିକ ବ୍ୟବସ୍ଥା ସୁବ୍ୟବସ୍ଥିତ କରିବାକୁ ପୋଲିସ କର୍ମକର୍ତ୍ତାଙ୍କୁ ଅନୁରୋଧ କରାଯାଇଥିଲା । ରଥଯାତ୍ରା ସମୟରେ ଆମିଷ ବିକ୍ରି ଓ ମଦ ଦୋକାନ ବନ୍ଦ ରଖିବାକୁ ନିଷ୍ପତି ଗ୍ରହଣ କରାଗଲା । ଜନସମାଗମକୁ ଦୃଷ୍ଟିରେ ରଖ୍ ସିସି କ୍ୟାମେରା ବ୍ୟବସ୍ଥା, ବିଭିନ୍ନ ପୂଜା କମିଟି ପକ୍ଷରୁ ପାନୀୟ ଜଳ ବ୍ୟବସ୍ଥା, ରାସ୍ତାରେ ଜଳ ସିଂଚନ ବ୍ୟବସ୍ଥା କରାଯିବା ସହିତ ମହାବିଦ୍ୟାଳୟର ଏନ ସି ସି, ରେଡକ୍ରସ ଏବଂ ସ୍କ ଉଟ ଦଳ, ସ୍ବେଚ୍ଛାସେବୀ ଅନୁଷ୍ଠାନ, ସମାଜସେବୀଙ୍କୁ ନିୟୋଜିତ କରିବା ପାଇଁ ଅନୁରୋଧ କରାଯିବ । ଜିଲ୍ଲା ସ୍ବାସ୍ଥ୍ୟ ବିଭାଗ ତରଫରୁ ୩ ଟି ସ୍ଥାନରେ ସ୍ବାସ୍ଥ୍ୟ ସେବା ନିମନ୍ତେ ଆଶୁ ଚିକିତ୍ସା ବ୍ୟବସ୍ଥା ଓ ଭ୍ରାମ୍ୟମାଣ ଆମ୍ବୁଲାନ୍ସ ବ୍ୟବସ୍ଥା କରାଯିବ । ଖାଦ୍ୟ ନିରୀକ୍ଷକ ଏବଂ ସ୍ବାସ୍ଥ୍ୟ ବିଭାଗ ତରଫରୁ ଖାଦ୍ୟ ପଦାର୍ଥର ଯାଞ୍ଚ କରାଯିବ । ରଥ ଟଣା ସମୟରେ ରାସ୍ତା ପାର୍ଶ୍ବରେ ଥିବା କେବୁଲ ଓ ଟେଲିଫୋନ ତାରକୁ ଅପସାରଣ କରିବା ପାଇଁ ନିର୍ଦେଶ ଦିଆଯାଇଛି । ଜିଲ୍ଲା ସଂସ୍କୃତି ବିଭାଗ ତରଫରୁ ରଥଯାତ୍ରା ଧାରାବିବରଣୀ ପ୍ରଦାନ ବ୍ୟବସ୍ଥା କରିବା ଓ ସୂଚନା ଓ ଲୋକ ସମ୍ପର୍କ ବିଭାଗ ପକ୍ଷରୁ ସୂଚନା କେନ୍ଦ୍ର ସ୍ଥାପନ ପାଇଁ ବୈଠକରେ ସ୍ଥିର କରାଗଲା ।
ଏହି ବୈଠକରେ ବିଭିନ୍ନ ବିଭାଗୀୟ ଅଧିକାରୀ ଓ ପୋଲିସ କର୍ମକର୍ତ୍ତା, ଉପଦେଷ୍ଟା କମିଟିର ସଭ୍ୟ/ସଭ୍ୟ/ ବିଭିନ୍ନ ଅନୁଷ୍ଠାନର କର୍ମକର୍ତ୍ତା, ଗଣମାଧ୍ୟମର ପ୍ରତିନିଧୂ ମାନେ ଯୋଗ ଦେଇ ସେମାନଙ୍କର ମତାମତ ପ୍ରଦାନ କରିଥିଲେ। ଶେଷରେ ଅତିରିକ୍ତ ନିର୍ବାହୀ ଅଧିକାରୀ, ଦେବୋତ୍ତର ଶ୍ରୀ ହରିହର ପଞ୍ଚୁଆତି ଧନ୍ୟବାଦ ଅର୍ପଣ କରିଥିଲେ।
