ଏମିତି ବି ଦିନ ଆସିବ ଯେ ଘରୁ ଘରୁ ବିରୋଧ ଆରମ୍ଭ ହେବ ଓ ସେତେ ବେଳେ ଗିରଫ କରି ରଖିବା ପାଇଁ ଜେଲ କମ ପଡିବ: କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ
କେନ୍ଦ୍ର ମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଆଜି ଏକ ସାମ୍ବାଦିକ ସମ୍ମିଳନୀରେ ରାଜ୍ଯ ସରକାରଙ୍କୁ ସମାଲୋଚନା କରି ଏହି ଚେତାବନୀ ଦେଇଛନ୍ତି ଆପଣଙ୍କ ଜେଲ୍ କମ୍ ପଡ଼ିଯିବ, ରାବଣ ଦୁର୍ଯ୍ୟୋଧନ ଅହଂକାର ତିଷ୍ଠିବନି । ରାଜ୍ୟରେ ସିଷ୍ଟମ୍ ଫେଲ୍ ଆଡକୁ ଯାଉଛି, ଲ ଲେସନେସ୍ ଆଡକୁ ଯାଉଛି
Onm
କେନ୍ଦ୍ର ମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଆଜି ଏକ ସାମ୍ବାଦିକ ସମ୍ମିଳନୀରେ ଓଡ଼ିଶାର ଆଇନ ଶୃଙ୍ଖଳା ଉପରେ ପ୍ରଶ୍ନ ଉଠାଇବା ସାଙ୍ଗକୁ ନବୀନ ସରକାରଙ୍କ ୨୩ ବର୍ଷ ଶାସନ କାଳର ପୂର୍ତ୍ତି ଅବସରରେ ତାତ୍ସଲ୍ୟ ଢଙ୍ଗରେ ଶୁଭେଚ୍ଛା ଦେଇଛନ୍ତି ।
ରାଜ୍ୟର ଆଇନ ଶୃଙ୍ଖଳା ପରିସ୍ଥିତି ବିପର୍ଯ୍ୟସ୍ତ ହୋଇଛି ।
ସେଦିନର ଦୃଶ୍ୟ ସମସ୍ତେ ଦେଖିଛନ୍ତି ।
କେମିତି ଅନେକ ପୁଲିସ କର୍ମୀ ପୁଲିସ ଡ୍ରେସରେ ନଥାଇ ଯୁବମୋର୍ଚ୍ଚା କର୍ମୀଙ୍କୁ ମାଡ଼ ମାରିଛନ୍ତି,
କିଛି ପୁଲିସ ଜୋତା ଖୋଲି ମାରୁଥିଲେ ଏସବୁ ଭିଡ଼ିଓରୁ ଆଇନଶୃଙ୍ଖଳା କେମିତି ଅଛି ତାହା ସ୍ପଷ୍ଟ ହୋଇପଡୁଛି ।
ଏହି ଶାସନ ବ୍ୟବସ୍ଥା ପାଇଁ କୃତଜ୍ଞ ବୋଲି କହିବା ସାଙ୍ଗକୁ ଆଗାମୀ ଦିନରେ ଏମିତି ବିରୋଧ ଘରୁ ଘରୁ ଆରମ୍ଭ ହେବ ସେତେ ବେଳେ ଜେଲ କମ ପଡିବ ବୋଲି କହିଛନ୍ତି ।
ଧର୍ମେନ୍ଦ୍ର ଆହୁରି କହିଛନ୍ତି, ‘ଆପଣଙ୍କ ରାବଣ, ଦୁର୍ଯ୍ୟୋଧନ ଅହଂକାର ଗଣତନ୍ତ୍ରରେ ତିଷ୍ଠିବନି । ଆନ୍ଦୋଳନ ବେଳେ ବିଜେପି କାର୍ଯ୍ୟକର୍ତ୍ତାଙ୍କୁ ୩୦୭ରେ ଜେଲ୍ ପଠାଯାଇଛି । ଦେଶ ବିରୋଧୀଙ୍କୁ ବିରୋଧ କରିବାରୁ ABVP ପିଲାଙ୍କୁ ଜେଲ୍ ପଠାଯାଇଛି । ଏଭଳି କାମ ଇଷ୍ଟଇଣ୍ଡିଆ କଂପାନୀ କରୁଥିଲା, ଆଉ ଏବେ ଆପଣ କରୁଛନ୍ତି । କୋର୍ଟ, କଚେରୀ ଦେଖାଇ ଗଣତନ୍ତ୍ରର କଣ୍ଠରୋଧ କରାଯାଉଛି । ରାଷ୍ଟ୍ରବାଦୀ ବିଚାରକୁ ଆପଣ ନାଲିଆଖି ଦେଖାଇବାକୁ ସ୍ୱାଗତ କରୁଛୁ । ଆପଣଙ୍କ ଜେଲ୍ କମ୍ ପଡ଼ିଯିବ, ରାବଣ ଦୁର୍ଯ୍ୟୋଧନ ଅହଂକାର କେବେ ବି ତିଷ୍ଠିନି କି ତିଷ୍ଠିବନି । ରାଜ୍ୟରେ ସିଷ୍ଟମ୍ ଫେଲ୍ ଆଡକୁ ଯାଉଛି, ଲ ଲେସନେସ୍ ଆଡକୁ ଯାଉଛି’ କହିଛନ୍ତି ଧର୍ମେନ୍ଦ୍ର ।
ଏହା ପୂର୍ବରୁ ବିଜେଡି ଶାସନରେ ବିପର୍ଯ୍ୟସ୍ତ ପଞ୍ଚାୟତିରାଜ ବ୍ୟବସ୍ଥାର ଅଭିଯୋଗ ଆଣି ବିଭିନ୍ନ କ୍ଷେତ୍ରରେ ଦୁର୍ନୀତିର ସଂଖ୍ୟା ଗଣାଇ ପଞ୍ଚାୟତରାଜ ଦିବସକୁ ଭ୍ରଷ୍ଟାଚାର ଦିବସ ଭାବେ ପାଳିଥିଲା ବିଜେପି । ଭୁବନେଶ୍ୱରଠୁ ନେଇ ବାଲେଶ୍ୱର, ସାଲେପୁରରୁ ନେଇ ତେଲକୋଇ । ରାଜ୍ୟର ବ୍ଲକ୍ ଗୁଡ଼ିକୁ ଭ୍ରଷ୍ଟାଚାରର ଗନ୍ତାଘର କରାଯାଇଥିବା ଏବଂ ପ୍ରତି ବର୍ଷ ପଞ୍ଚାୟତିରାଜ ବ୍ୟବସ୍ଥାରେ ୫ ହଜାର କୋଟିର ଦୁର୍ନୀତି ହେଉଥିବା ଅଭିଯୋଗ ଆଣି ୩୧୪ ବ୍ଲକ ଆଗରେ ବେକରେ କଳାପଟି ପିନ୍ଧି ଏମିତି ଗର୍ଜିଥିଲେ ବିଜେପିର ନେତା, କର୍ମୀ ।
ସାଲେପୁର ବିକ୍ଷୋଭ କାର୍ଯ୍ୟକ୍ରମରେ ଯୋଗ ଦେଇ ରାଜ୍ୟ ସଭାପତି ସମୀର ମହାନ୍ତି ସିଧା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ନିଶାନା କରିଥିଲେ । କହିଥିଲେ ଲୋକେ ଭୋଟ୍ ଦେଇଛନ୍ତି ମୁଖ୍ୟମନ୍ତ୍ରୀଙ୍କୁ, ହେଲେ ଶାସନ କିଏ କରୁଛନ୍ତି ରାଜ୍ୟବାସୀ ଜାଣିଗଲେଣି । ଏଥିସହ ନିଜ ଅପାରଗତା ଲୁଚାଇବାକୁ ମୁଖ୍ୟମନ୍ତ୍ରୀ ଡରି ଯାଇ ବିଜେପିକୁ ଦୋଷ ଦେଉଛନ୍ତି ବୋଲି କହିଥିଲେ ସମୀର ।
୨୪ ନିର୍ବାଚନକୁ ଦେଖି ବିଜେଡି ସରକାର ବିରୋଧରେ ଜୋରଦାର ହମଲା ଆରମ୍ଭ କରିଦେଇଛି ବିଜେପି । ମୁଖ୍ୟ ଅସ୍ତ୍ର ସାଜିଛି, ବିପର୍ଯ୍ୟସ୍ତ ଆଇନଶୃଙ୍ଖଳା, ନବ ହତ୍ୟା, ଶାସନର ବିଭିନ୍ନ କ୍ଷେତ୍ରରେ ପୁଳା ପୁଳା ଦୁର୍ନୀତି ଓ ଚାଷ ଏବଂ ଚାଷୀ ସମସ୍ୟା ।
